O Concello de Frades e o Arcebispado de Santiago asinan un convenio para conservar o patrimonio cultural do municipio

O alcalde de Frades, Roberto Rey Martínez; o concelleiro de Economía, Manuel Ferreiro Marzoa; e Juan María González-Redondo Neira, en calidade de representante do Arcebispado de Santiago, veñen de asinar un convenio de colaboración para promover e conservar o patrimonio cultural do municipio. Un convenio a través do cal o Concello de Frades destinará 6.000 euros a levar a cabo tarefas de mantemento e conservación nas parroquias de Mesos, Ledoira e Céltigos.