• Esta contratación realízase no marco do programa de Garantía Xuvenil 2025 da Xunta de Galicia, que subvenciona o 97% dos custos totais desta incorporación.
• Deste xeito refórzase os servizos administrativos e redunda nunha mellor presentación dos servizos sociais municipais.
O Concello de Ortigueira reforza o departamento administrativo dos Servizos Sociais municipais a través da contratación dunha persoa nova rexistrada no Sistema Nacional de Garantía Xuvenil, que estará a traballar durante un período de 9 meses a tempo completo.
Así, o Concello de Ortigueira, recibiu recentemente unha axuda da Consellería de Emprego, Comercio e Emigración por valor 16.380,09 € para a contratación desta persoa nova, no marco do programa de Garantía Xuvenil 2025 da Xunta de Galicia. O Concello, pola súa banda, achega a través de fondos propios 649,96 euros, o que supón o 3,82% dos custos totais da contratación.
Con esta incorporación refórzanse os servizos administrativos e redunda nunha mellor presentación dos servizos sociais municipais.
Esta axuda autonómica está cofinanciada nun 60% pola Unión Europea no marco do Programa FSE+ Galicia 2021 – 2027, dentro do Obxectivo político 4 “Unha Europa máis social e inclusiva, por medio dá aplicación do piar europeo de dereitos sociais”, Prioridade 5 “Emprego xuvenil”.
