Os bombeiros do parque provincial de Carballo visitaron a Escola Infantil A Braña

O parque provincial de Carballo recibiu a solicitude por parte da Escola Infantil A Braña (Galiña Azul), en Riotorto, no concello de Carballo, de acudir ao centro para explicarlles aos nenos a labor dos bombeiros. Estes visitaron onte a escola e, durante unha hora, explicaron aos cativos cales son as súas funcións, en que consiste o traballo de bombeiro e como son as súas ferramentas e o camión.