Home A Coruña Os concellos de Narón e Valdoviño colaboran coa A.D.C. Bombeiros Narón e...

Os concellos de Narón e Valdoviño colaboran coa A.D.C. Bombeiros Narón e a Asociación 21 Leguas na organización do “I Trail Costa Ártabra”

- Anuncio -

A alcaldesa da cidade, Marián Ferreiro, o seu homónimo valdoviñés, Alberto González; o concelleiro de Deportes de Narón, José Oreona e o de Servizos de Valdoviño, Benito Vega, presentaron hoxe xunto a Luis González e Óscar Somorrostro, presidentes da Asociación Deportiva e Cultural de Bombeiros Narón e da Asociación 21 Leguas respectivamente, o “Trail Costa Ártabra”. O evento deportivo, que mantén aberto o prazo de inscrición, celebrarase o vindeiro 18 de setembro, tal e como anunciaron, pola zona da Costa Ártabra, en espazos dos termos municipais de Narón e Valdoviño, tal e como anunciaron. Ao remate da proba haberá sorteo de varios asallos de material deportivo e produtos da zona.

Luis González explicou que a proba consta dun percorrido longo de 24 quilómetros, con saída ás 9.30 horas, un curto de 16, con saída ás 10.00, e unha andaina de oito, que partirá ás 9.45 horas. “A saída está fixada dende a Asociación Nuestra Señora de Chamorro e a meta xunto á AVV “Os Irmandiños”, no Val”, apuntou, ao tempo que avanzou que “os tres percorridos pasarán, na ida e volta, pola Pena Molexa, un punto emblemático da cidade, dos máis coñecidos turisticamente, para dirixirse as carreiras a Valdoviño, á batería, á praia polos acantilados e cruzando Narón ata o Alto da Lagoa para volver a Pena Molexa e á meta, se ben a andaina é máis curta por Campelo e Pena Lopesa”. Sobre a primeira edición, o presidente da A.C.D Bombeiros Narón destacou que “non son traxectos excesivamente duros e pódeos facer calquera persoa que se inicie no trail de montaña”.

Pola súa banda, Somorrostro asegurou que dende a Asociación 21 Leguas, organizadora da andaina, “estamos encantados de colaborar neste evento, que esperamos que teña unha boa acollida”.
A continuación, o alcalde de Valdoviño agradeceu ao Concello de Narón e ás dúas asociacións “o feito de organizar esta magnífica proba, na que non só falamos de deporte, senón tamén de paisaxe e territorio”.
A alcaldesa de Narón destacou tamén o “intenso traballo” das dúas asociacións organizadoras e coincidiu con González en subliñar a importancia da colaboración entre concellos para organizar este tipo de eventos. “É unha satisfacción poder colaborar neste evento deportivo a través do que se dará a coñecer unha parte importante do patrimonio dos dous concellos”, destacou Ferreiro, que amosou a súa confianza en que “teña unha moi boa acollida e poidamos celebrar moitas máis edicións na cidade”.

As persoas interesadas en inscribirse poden facelo a través da plataforma rockthesport ata o vindeiro 13 de setembro.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas