A formación morada expresa escepticismo sobre as declaracións do alcalde García Patiño
Despóis das declaracións do Alcalde de Cambre, Oscar García Patiño, nas que culpaba da turbiedade da auga ó enchido das piscinas e os traballos de rego, Podemos Cambre reuniuse coas veciñas do Concello e presentou unha solicitude en nome destas nas que preguntaba polo número total de piscinas, tanto de titularidade municipal como de titularidade privada, dentro dos límites do Concello, así como a cantidade de auga en metros cúbicos desglosada por parroquias.
A formación morada segue a espera de que o Concello lles proporcione estes datos, pois entende que “a proposta do alcalde de crear un sistema de quendas por parroquias para o recheo de piscinas ten que basearse nun estudo previo destes datos. Sen eles, a proposta sería unha ocorrencia máis de Patiño para desviar a atención da súa mala xestión no servizo de auga”.
Podemos Cambre expresou a sua proposta de que o Concello aplique un desconto por iniciativa propia no recibo a todos os usuarios afectados que reclamasen, e de que asuman o coste económico das reparacións necesarias en electrodomésticos, substitución de filtros, e outros danos consecuenciais. A formación insiste en que, de non producirse ningún tipo de subsanación de oficio por parte do Concello, emprenderán as accións pertinentes para reclamalas.