Home A Coruña Preto de 800 escolares de Narón e comarca participaron hoxe no “I...

Preto de 800 escolares de Narón e comarca participaron hoxe no “I Cros escolar Concello de Narón”

- Anuncio -

O recinto do CPI O Feal acolleu esta mañá a primeira edición do “Cros escolar Concello de Narón”, no que participaron preto de 800 escolares de oito centros de ensino de Narón e comarca. O Concello de Narón organiza a convocatoria xunto co Club de Atletismo Narón e tamén colabora na mesma a Xunta de Galicia, a través do programa “Xogade” de campo a través. Os edís de Deportes, Ibán Santalla, e Ensino, Olga Ameneiro, acudiron ao evento e participaron na entrega de diplomas xunto con Miguel Soto, presidente do Club de Atletismo Narón e un representante da administración autonómica.
Os participantes percorreron, en función das categorías, 400 metros, 800, 1.200 ou 1.500, disputándose as de benxamín, alevín, infantil e cadete feminino e masculino, respectivamente. As diferentes probas comezaron a desenvolverse ás 10:50 horas e a última carreira deste cros iniciouse ás 12:25 horas, procedéndose posteriormente á entrega de diplomas a todos os participantes.
A convocatoria coincidiu coa conmemoración do 35 aniversario do Club de Atletismo Narón. Participaron no evento escolares dos colexios CPI do Feal, CPR Ayala e CEIP Piñeiros, de Narón e tamén de Unión Mugardesa, de Mugardos; CEIP A Xunqueira, de Fene, e CPI Ponzos e Juan de Lángara e San Xoán de Filgueira, de Ferrol.
O edil de Deportes destacou a excelente acollida que tivo este evento na súa primeira edición e asegurou que “xa estamos pensando en organizar a segunda”. Santalla, xunto coa edil de Ensino, agradeceu a implicación do Club de Atletismo Narón e tamén do colexio do Feal para desenvolver a proba, valorando tamén a colaboración da administración autonómica.

Relacionadas

Ortigueira capta a case 60 alumnos para o programa de maiores da Universidade Sénior...

0
• A formación está dirixida a persoas maiores de 50 anos da comarca e consta de tres módulos de diferentes temáticas, a desenvolver ata...

Unha pulitzer de poesía, un consagrado romanés e unha colombiana xunto a novas voces...

0
O terceiro e último trimestre de recitais comezará este luns 22 de abril, con Dinu Flamand e Lois Diéguez ás 20.00 horas no Ágora Seguiranlle...

O Concello remata as melloras da área canina do parque de Santa Margarida, aumentando...

0
A actuación supuxo a creación dunha nova entrada ao parque desde a rúa San Mateo, melloras do terreo e unha reforma do acceso O Concello...

Directivos e técnicos da empresa líder de auga e saneamento de Portugal visitan as...

0
O alcalde de Carballo, Evencio Ferrero, recibiu a unha delegación de directivos e técnicos das empresas Gestagua e Aquapor, lider na xestión de concesións...

Gonzalo Muíños insta ao goberno local a planificar a mobilidade no corredor Pardiñas-Galanas á...

0
Explica que ata 30.000 vehículos utilizan diariamente a N-550 e teme que parte de ese tráfico se desvíe por Pardiñas (Laraño) Propón tamén que Concello...

O BNG pide medidas para acabar cos roubos en instalacións municipais

0
Convocar a Xunta Local de Seguridade sería o primeiro paso Numerosos roubos sucédense en centros sociais e escolas do rural nos últimos meses Nos últimos meses...

Publicacións Relacionadas