A Deputación da Coruña comezará nas próximas semanas a obra de ampliación da rúa Casares Quiroga, no treito que vai desde o Muíño do Vento ata a Igrexa de Liáns. Actualmente trátase dunha zona que compromete seriamente a seguridade viaria e a accesibilidade tanto de peóns como de automóbiles e que mellorará notablemente coa creación de novas beirarrúas e ampliación da calzada.
Angel García Seoane, deputado provincial de Alternativa dos Veciños, informou da adxudicación desta obra por importe de case 150.000 euros.
