Ribeira na vangarda da música antiga coa gaita de fol

No día de hoxe presentouse no Conservatorio Profesional Municipal de Ribeira “Enrique Paisal” o II Seminario de Música Antiga e Gaita de Fol, ca presenza concelleira de Educación, Cruz Rivadulla, xunto a Anxela Vidal, profesora do Conservatorio Musical de Música de Ribeira e promotora deste seminario.
Cruz Rivadulla informou, “este é o primeiro dos 3 seminarios, un por trimestre, e rematarán con cadanseu pequeno concerto polas igrexas do municipio”.
Anxela Vidal organiza estes encontros dende o departamento de instrumentos antigos do Conservatorio Municipal, puxo en valor a gaita na música antiga, “a gaita de fol é un instrumento que normalmente o asociamos á música tradicional e popular; sobre todo na nosa terra, pero neste caso, neste contexto, queremos tratalo coma un instrumento erudito da música culta porque realmente ten un transcurso histórico moi grande que comeza dende a idade media e que realmente ten un repertorio que socialmente é descoñecido, entón nos parece importante impulsar o recoñecemento deste repertorio” tamén engadiu, “este seminario non só está enfocado a xente que só toque instrumentos da música antiga, senón que tamén é unha boa opción para persoas que tocando instrumentos modernos, como o piano, o clarinete ou o saxo; se queiran adentrar en repertorio histórico” finalizou.
O seminario está integrado dentro dun proxecto de recuperación da gaita de fol para a música de cámara e centrarase no repertorio composto antes de 1800. O profesor titular será Paulo Gonçalves, especialista de música antiga de Galicia.
O seminario será do 30 novembro ata o 1 decembro e terá tres modalidades, unha activa para persoas do centro, para as persoas que queren asistir ao curso tocando; outra activa para persoas externas ao centro e a modalidade oínte, aberta para tódalas persoas, sexa músicos ou non.