test
Home A Coruña Ribeira pon en valor o traballo das mulleres no mar

Ribeira pon en valor o traballo das mulleres no mar

- Anuncio -

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo.

O concelleiro de Mar, Fernando Abraldes, foi o encargado de abrir o acto poñendo en valor traxectoria de Elena Rodríguez, Ángeles Betanzos e Julia Noya das confrarías de Aguiño, Palmeira e Ribeira respectivamente.

Na súa intervención explicou que son as mulleres con máis anos en activo de cadansúa confraría. “Estas mulleres traballaron e seguen a traballar facendo posible que hoxe poidamos dicir con orgullo que Ribeira é mar e posuímos un sector moi forte. Hoxe dicimos que temos un dos portos de baixura máis importantes de Europa e tamén é grazas á contribución das mulleres” explicou Abraldes.

O alcalde, Luís Pérez Barral, aseverou que en Ribeira, onde o mar é unha parte vital da nosa identidade e estas mulleres traballaron incansablemente, a miúdo enfrontando condicións adversas, para mariscar dunha maneira que respecta e preserva o noso medio ambiente. “O seu labor non só garante a calidade e o prestixio dos nosos produtos do mar, senón que asegura que esta tradición se manteña viva para as futuras xeracións”.

Pola súa banda, as homemaxeadas agradeceron o recoñecemento e contaron as dificultades que afrontaron dende que comezaron a mariscar ou como loitaron para puideran ter os mesmos topes que os seus compañeiros homes. Mostraron a súa preocupación polos riscos actuais como pode ser a falta de produtividade nas rías ás que lle hai que buscar solucións ou as ameazas de proxectos contaminantes como pode ser a megacelulosa de Altri.

Dende o Concello aseguran que facer esta homenaxe é un paso adiante cara á igualdade, sobre todo nun sector onde a visibilidade e o recoñecemento a miúdo non corresponde á importancia do traballo realizado, por iso é esencial destacar o papel destas mulleres. Non só son traballadoras, senón tamén líderes, modelos a seguir e piar fundamental das nosas familias e sociedades. “Con este acto de recoñecemento, celebramos non só os seus logros individuais, senón tamén a importancia crucial das mulleres no sector do mar en Galiza”.

Relacionadas

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

Unhas 140 crianzas e persoas adultas participan nas exhibicións do acto de clausura das...

0
Un total de 140 nenos, nenas e persoas adultas participaron nas exhibicións da festa de clausura das Escolas Deportivas Municipais de Frades 2023/2024, un...

Ciclo “Mes e Pico”: unha vintena de persoas participa nunha visita xeolóxica pola contorna...

0
Unha vintena de persoas participaron este sábado no paseo xeolóxico pola contorna do Pico Sacro, unha iniciativa incluída na programación do ciclo “Mes e...

A Escola Municipal de Ballet estrea o vindeiro sábado “Bailadoras” no novo auditorio

0
A concelleira de Educación, Cruz Rivadulla e a profesora da Escola Municipal de Ballet, Cristina Riveiro presentaron hoxe “ Bailadoras”, unha coreografía que fará...

San Sadurniño licita a subministración eléctrica da rede de iluminación pública e das dependencias...

0
O Concello de San Sadurniño acaba de licitar, por primeira vez na súa historia, a contratación do abastecemento eléctrico de toda a rede de...

Inaugurada a exposición sobre Juana de Vega no Centro Sociocomunitario de Caión

0
Poderase visitar ata o 28 de xuño, esta semana pola mañá e a próxima, pola tarde. A exposición itinerante “Juana de Vega, condesa de Espoz...

Publicacións Relacionadas