Home A Coruña San Sadurniño colleita de novo tres Flores de Honra no certame Vilas...

San Sadurniño colleita de novo tres Flores de Honra no certame Vilas en Flor

- Anuncio -

Promovido pola Fundación Juana de Vega, AGAEXAR e ASVINOR, Vilas en Flor recoñece as boas prácticas ambientais e paisaxísticas

A vila pontevedresa de Caldas de Reis acolleu esta mañá a gala de entrega dos premios do certame de paisaxismo Vilas en Flor, promovido pola Fundación Juana de Vega en colaboración coas asociacións sectoriais AGAEXAR e ASVINOR. Vilas en Flor recoñece coas chamadas “Flores de Honra” o compromiso co ambiente e coa integración nas tramas urbanas de zonas con árbores, xardíns e todos aqueles elementos naturais que contribúan a mellorar a habitabilidade de municipios inferiores a 40.000 habitantes, ademais de recompensar as políticas de difusión e concienciación cidadá neste ámbito. San Sadurniño volveu participar este ano canda outros 38 concellos galegos e volve de Caldas de Reis con tres flores do máximo de cinco que outorga o certame.

Desde 2018 -ano en que botou a andar en Galicia esta iniciativa internacional- ningún municipio logrou entrar aínda no clube das cinco flores e no das catro só se encontran Tomiño, Chantada e Allariz. San Sadurniño conseguiu en 2021 tres Flores de Honra, as mesmas que acaba de revalidar na presente edición como premio ao coidado e posta en valor dos espazos públicos pensando na veciñanza.

A través de visitas técnicas a todos os municipios participantes, os xuíces do certame valoraron aspectos relacionados co patrimonio paisaxístico, o respecto ao medio ambiente, o aproveitamento dos espazos verdes para fomentar a saúde pública, a xestión da auga e dos residuos, as actividades de promoción dirixidas á cidadanía e tamén a xestión turística.

O equipo avaliador visitou San Sadurniño a principios de outubro para interesarse polas políticas que se están levando a cabo en todos eses ámbitos e ver no sitio os principais resultados. Ademais de repasar outros proxectos xa valorados en anteriores edicións, o Concello aproveitou este ano para destacar o éxito que tiveron as figuras da Fraga Máxica da Cortiña como reforzo do espazo de lecer do arboreto e o paseo fluvial.

Xunto con San Sadurniño obtiveron tres flores A Guarda, Caldas de Reis, Cambados, Baiona, Gondomar, Carballo, Lalín, Mondoñedo, Ponteceso, Salceda de Caselas, Salvaterra de Miño e, na nosa comarca, tamén Narón. Seguindo o listado de municipios premiados da nosa zona atopamos con dúas Flores de Honra os nomes de Fene, As Somozas e Pontedeume. Pecha o palmarés comarcal o concello de Ortigueira, con unha Flor de Honra.

As Flores de Honra de Vilas en Flor entregáronse esta mañá nun acto que tivo lugar no auditorio municipal de Caldas, presidido pola conselleira de Medio Ambiente na compaña de representantes do concello anfitrión e de responsables das entidades organizadoras: a Fundación Juana de Vega, a Asociación Galega de Empresas de Xardinería, AGAEXAR, e a Asociación de Viveiristas do Noroeste, ASVINOR.

Por parte de San Sadurniño acudiron recoller o premio o concelleiro de Desenvolvemento local, Manolo Varela, e a titular de Igualdade, Araceli Bellas.

Relacionadas

O camiño da diabetes amósase en formato de exposición fotográfica na Pobra

0
A Orixe: a diabetes, un camiño de vida. Este é o nome da exposición fotográfica que chega á casa da cultura Raquel Fernández Soler...

Inés Rey reivindica o valor para a cidade da Escola Municipal de Música na...

0
“A esencia desta institución non é só formar músicos, senón tamén persoas”, dixo a alcaldesa A alcaldesa da Coruña, Inés Rey, interveu esta tarde na...

Yoya Neira destaca os valores da Asociación de Amas de Casa no Día da...

0
A concelleira de Benestar Social, Yoya Neira, asistiu hoxe en Palexco en representación da alcaldesa, Inés Rey, A tradicional comida do Día da Amizade...

Instalada a pasarela entre Agramar e Areeiros, preto do Sol y Mar

0
A pasarela que facilita a comunicación ciclopeonil entre as prazas de Agramar e Areeiros, na contorna do Sol y Mar e relacionada coas obras...

O ‘Obradoiro de emprego A Laracha VIII’ rehabilita o Centro Sociocultural de Erboedo

0
Paralelamente a especialidade de traballos de carpintería e moble actúa na mellora do paseo fluvial do Anllóns. O Concello ten en marcha desde hai case...

Compostela demanda a elaboración dun Plan estratéxico para coordinar os aeroportos galegos

0
A alcaldesa defendeu a necesidade dunha política aeroportuaria coordinada e planificada baseada nun plan estratéxico e "liderada por Santiago como punto de referencia e...

Publicacións Relacionadas