test
Home A Coruña Segunda xornada da VI Mostra Internacional de Cinema Documental Mares da Fin...

Segunda xornada da VI Mostra Internacional de Cinema Documental Mares da Fin do Mundo

- Anuncio -

Na segunda xornada da VI Mostra Internacional de Cinema Documental Mares da Fin do Mundo, celebrada este xoves, 2 de novembro, tivo lugar a gravación e retransmisión dixital dende o Náutico do Freixo dun especial do programa da Radio Galega “Mar de Ardora”, centrado no mundo do mar.

Presentado e dirixido por Xusto López Carril, contou coa participación de Alba Quintela (concelleira de Obras e Servizos no Concello de Outes), Marcos Gallego (director da Mostra MDFDM), Francisco Xosé Fernández Naval “Chisco” (escritor e guionista) e Mercedes Silva “Totakeki” (mariscadora e divulgadora).

Xa pola tarde, nas instalacións da Casa da Cultura de Outes (A Serra de Outes), proxectouse a estrea da obra “Entre Redes”, dirixida por Vanessa Martínez (2023) e producida pola Asociación Cultural Mares da Fin do Mundo. Trátase dun documental onde Rogelio Santos Queiruga, Mercedes Silva e María Maceiras (profesionais do mar e divulgadores) nos amosan o día a día do seu traballo no mar e nas diversas plataformas dixitais nas que divulgan e visibilizan mensaxes sobre a importancia de coidar o medio mariño dunha maneira sostible.

A continuación, deu inicio a proxección dos primeiros filmes participantes na Competición Oficial, na que este ano concorren un total de quince títulos de once nacionalidades diferentes e falados en múltiples linguas (con subtítulos en galego), centrados na pesca sostible e na protección do medio ambiente mariño.

No primeiro bloque a competición concorreron a valenciana “Twilight Dream”, de Amanda Cots & Ángel Suárez (España, Valencia, 2022), unha obra que amosa o día a día de Ángel e Adel a bordo do “Dos Ángeles”, poñendo o foco na escaseza de recursos e a redución no número de pescadores. A segunda obra deste bloque foi “Requiem for a Whale”, de Ido Weisman (Israel, 2022), que documenta o encontro co cadáver dunha balea na praia israelí de Nitzanim despois dunha noite de treboada no 2021.

O terceiro filme foi “Confine liquido”, de Andrea Scimone (Italia, 2022), que narra a espera de Michele, Antonio e Pippo por unha corrente mariña axeitada no estreito de Messina.
A Mostra Internacional de Cinema Documental MARES DA FIN DO MUNDO está organizada pola Asociación Cultural Mares da Fin do Mundo, coa colaboración na dirección e produción de ABA Films e o apoio, entre outros, da Deputación da Coruña, a Dirección Xeral de Política Lingüística da Xunta de Galicia e o Concello de Outes. Así mesmo, MDFDM forma parte de Proxecta (Coordinadora Galega de Festivais de Cinema, integrada na federación estatal Pantalla).

Relacionadas

A Xunta apoia a Liga Galega de Traiñeiras con 25 equipos nas súas tres...

0
O conselleiro de Presidencia, Xustiza e Deportes, Diego Calvo, participou esta tarde na illa de San Simón no acto de presentación da competición de...

A Xunta apoia o transporte de mercadorías a través dun plaan estratéxico para impulsar...

0
A directora xeral de Mobilidade, Judit Fontela, participou hoxe en Lugo na clausura da asemblea xeral ordinaria da Asociación Empresarial de Transporte de Mercadorías...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

A Xunta pon en servizo o novo aparcadoiro disuasorio de Ribadumia con 77 prazas...

0
O orzamento desta actuación, coa que o Goberno autonómico segue a apostar por unha mobilidade máis sostible, elevouse a 540.000 eurosDiego Calvo destacou que...

Rueda destaca o peso do peregrino internacional no Camiño de Santiago e unhas rutas...

0
Fai fincapé en que antes de que remate xuño xa se superará a cifra de 200.000 compostelas, o que augura un novo récord anual...

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Publicacións Relacionadas