A actuación do lendario cantante galés forma parte do Gozo Fest 2026
Tom Jones, o lendario cantante galés, visitará A Coruña o vindeiro 2 de xullo como parte da súa nova xira ‘Come Gather Around’. Este concerto, que se celebrará no Coliseum e conta coa colaboración do Concello na súa organización, forma parte da programación na cidade do Gozo Fest 2026, que conta co apouo da Xunta de Galicia a través da Axencia Turismo de Galicia.
“A nosa cidade continúa acollendo concertos de primeiro nivel mundial, amosando que somos a capital cultural de Galicia e o gran referente da música ao vivo do noroeste”, indicou Inés Rey, alcaldesa da Coruña. A actuación de Tom Jones da Coruña será unha das tres únicas paradas do artista en España. O intérprete presentará en directo o seu consagrado repertorio, ofrecendo ao público coruñés un show repleto de éxitos atemporais, como ‘It’s Not Unusual’ ou ‘Green, Green Grass of Home’, que o consolidaron como unha das grandes estrelas da música.
Cunha traxectoria que abarca máis de seis décadas, Jones é considerado como un dos mellores artistas de todos os tempos. Ao longo da súa carreira superou os 100 millóns de discos vendidos, manténdose como unha figura influínte e vixente dentro da industria musical internacional. Á os seus a 85 anos segue solicitando eloxios da crítica especializada polos seus álbums máis recentes producidos por Ethan Johns: ‘Surrounded By Time’, ‘Long Lost Suitcase’, ‘Spirit In The Room’ e ‘Praise & Blame’. Tanto o seu material de estudo como as súas interpretacións en directo seguen sendo amplamente recoñecidos pola súa inconfundible voz e o seu carisma sobre o escenario.
De cara a este 2026, a programación musical do Coliseum conta xa con 32 eventos musicais anunciados, aos que hai que sumar os eventos deportivos xa confirmados do Básquet Coruña. As citas programadas son: Eladio Carrión (29 de xaneiro), Amaia (31 de xaneiro), Mikel Izal (7 de febreiro), Amaral (21 de febreiro), Hijos de la Ruina (17 de abril), Viva Suecia (18 de abril), OT (19 de abril), Rodrigo Cuevas (30 de abril), Dani Fernández (2 de maio), Iván Ferreiro (9 de maio), Dani Martín (15 e 16 de maio), Bad Gyal (23 de maio), Megadeth (27 de maio), La Reina del Flow (27 de xuño), Tom Jones (2 de xullo), Pablo Alborán (4 de xullo), Carlos Rivera (10 de xullo), Yandel Sinfónico (12 de xullo), Aitana (22 de xullo), La Oreja de Van Gogh (11 e 12 de setembro), Antonio Orozco (3 de outubro), Tanxugueiras (17 de outubro), Vetusta Morla (6 e 7 de novembro), Melendi (13 e 14 de novembro), Bryan Adams (16 de novembro), Raphael (21 de novembro), Hombres G (5 de decembro) e Carolina Durante (12 de decembro).
