Home A Coruña Trenor destaca na clausura do obradoiro de Boqueixón a alta porcentaxe de...

Trenor destaca na clausura do obradoiro de Boqueixón a alta porcentaxe de alumnos que atopan emprego ao rematar a formación

- Anuncio -

Os alcaldes puxeron en valor a formación especializada recibida por estes 20 desempregados á hora de buscar un traballo

O delegado da Xunta na Coruña, Gonzalo Trenor, participou esta mañá na clausura do obradoiro de emprego dual de Boqueixón-O Pino-Touro e Vedra 2020-2021, que este ano formou a 20 persoas en repoboacións forestais e tratamentos silvícolas e en actividades auxiliares en conservación e mellora de montes. Un acto no que estivo acompañado polos alcaldes de Boqueixón, Manuel Fernández Munín; Vedra, Carlos Martínez; e O Pino, Manuel Taboada, toda vez co rexedor de Touro, Ignacio Codesino, escusou a súa presenza.

Trenor felicitou aos profesores e aos alumnos polo resultado dos traballos realizados neste taller de formación e recalcou que “agora todos os alumnos estades mellor preparados para atopar un emprego e moitos xa contades cunha oferta de emprego incluso antes de rematar a formación”. Neste senso, lembrou que os participantes combinaron un contrato de formación e aprendizaxe durante nove meses, e optaron a un contrato en prácticas, de como mínimo tres meses máis, nunha empresa emprazada no mesmo ámbito territorial e cunha actividade vinculada ás materias do obradoiro. “O obxectivo – incidiu – é seguir mellorando o emprego nos concellos galegos, especialmente nos do rural, adaptando a oferta formativa ás súas demandas e necesidades de contratación”.

Valoración dos alcaldes

O alcalde de Boqueixón, Manuel Fernández Munín, agradeceu o traballo levado a cabo “tanto polo equipo de formación como polo alumnado. Desexo que estes nove meses fosen moi produtivos e sirvan para que poidades ter mellores posibilidades de atopar un posto de traballo”.

Un punto no que incidiu o alcalde de Vedra, Carlos Martínez, dicindo que “este é un dos mellores obradoiros que recordamos dos últimos anos por todo o que contribuístes a mellorar as contornas dos nosos concellos”, augurando que “vai haber unha gran demanda para este tipo de formación que recibistes”.

Finalmente, o alcalde do Pino, Manuel Taboada, celebrou que “algúns dos presentes xa estades traballando e espero que este diploma que hoxe recibides sexa a mellor carta de presentación cando vaiades a pedir traballo a unha empresa”.

Resolución

Na clausura, o delegado da Xunta informou tamén da resolución completa dos novos obradoiros de emprego dirixidos aos concellos, mancomunidades e entidades públicas dependentes para o ano 2021-2022 que permitirá a realización dun total de 10 talleres na comarca de Santiago, dos cales 6 deles son de carácter dual ordinario, onde participarán alumnos e alumnas de calquera idade e 4 dirixidos a persoas mozas, para mozos e mozas menores de 30 anos. Mediante estas iniciativas a Consellería de Emprego e Igualdade investirá en políticas activas de emprego na área de Santiago máis de 3,5 millóns de euros

Os obradoiros duais serán os de Ames compartido con Brión, centrado en montaxe e mantemento de instalacións solares fotovoltaicas; Arzúa compartido con Boimorto e Santiso; Ordes compartido con Frades e Mesía; Padrón compartido con Rois e Dodro, Santiago de Compostela e Val do Dubra compartido con A Baña, Negreira e Santa Comba. Pola súa banda, os obradoiros para xente moza impartiranse en Teo compartido con Boqueixón e Vedra; en Santiago de Compostela; en Rois e na Mancomunidade de Ordes.

Estes obradoiros permitirán que un total de 184 persoas desempregadas se formen nun oficio mentres realizan tarefas en beneficio de espazos e instalacións públicas. Os participantes recibirán un certificado de profesionalidade con validez en todo o Estado. A duración dos obradoiros xerais serán de 9 meses e os dirixidos a persoas mozas de 12 meses.

Trenor destacou que “os obradoiros de emprego permiten dotar a nosa poboación activa de formación de calidade ao tempo que desenvolver un traballo produtivo de utilidade pública ou interese social, coa posibilidade de acreditalo a través dos certificados de profesionalidade”. Una vez rematados, dixo, “contemplan a opción de traballar nunha empresa da contorna, a xornada completa, por un mínimo de tres meses, a través dos incentivos á contratación concedidos desde a Administración autonómica”.

Ampliación da convocatoria

A Xunta vén de reforzar a convocatoria deste ano de obradoiros , co seu maior orzamento, o maior número de accións e de persoas beneficiarias. Na actual convocatoria se acadan cifras récord: en canto a orzamento, permitirá desenvolver un total de 33 actuacións na provincia entre obradoiros duais e de persoas mozas cun investimento de máis de 11,3 millóns de euros.

As persoas desempregadas que participan nestes programas -desenvolvidos con financiamento autonómico por concellos, mancomunidades e entidades sen ánimo de lucro do sector forestal- poden acceder ao longo de 9 meses a unha formación de calidade con opción a obter un certificado de profesionalidade e un contrato de traballo. Unha vez remata o obradoiro, teñen oportunidade de traballar nunha empresa da contorna por un mínimo de tres meses cun contrato a xornada completa. Para este fin, a Xunta concede incentivos á contratación.

Con esta ferramenta incídese ademais na inserción no mercado laboral de persoas en situación de especial dificultade, entre outras, emigrantes retornadas; mulleres; vítimas de violencia de xénero; persoas que esgotaron as prestacións e subsidios por desemprego; paradas de longa duración; con discapacidade; maiores de 45 anos; ou traballadoras e traballadores que carecen de títulos universitarios e de FP de grao superior.

Relacionadas

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Concello e movemento asociativo colaboran no programa de actividades “Primavera en Baldaio”

0
Regueifa, música, cine, xogos, charlas e rutas integran unha proposta que se levará a cabo nos centros sociais de Lema e Imende Grazas á colaboración...

O Xeoparque Cabo Ortegal prepárase para o acto central conmemorativo do seu aniversario

0
O acto celebrarase o venres á tarde na Casa da Cultura de Valdoviño, na véspera dunha nova fin de semana de actividades gratuítas abertas...

Augas de Galicia estudará a posibilidade de habilitar un paso peonil pola ponte da...

0
O alcalde e a enxeñeira municipal participaron na xuntanza da comisión de seguimento do convenio asinado entre o organismo autónomo e o ConcelloO alcalde,...

O Dr. Calafiore responderá en Laxe as dúbidas máis comúns sobre patoloxías da próstata...

0
• A charla informativa terá lugar este sábado, 25 de maio, ás 19:00 horas, no Salón de Actos Culturais • Durante a sesión, o profesional...

Luns 27 de maio, día de doar vida en San Sadurniño

0
Doar sangue é un xesto de solidariedade e altruísmo que pode salvar vidas. O lema “doar sangue é doar vida”, utilizado pola Axencia de...

Publicacións Relacionadas