test
Home A Coruña Unha vintena de mulleres desempregadas de longa duración da Coruña, Lugo, Baralla...

Unha vintena de mulleres desempregadas de longa duración da Coruña, Lugo, Baralla e Viveiro melloran co programa Entrena Empleo + a súa inserción laboral

- Anuncio -

― A Xunta colabora coa Fundación Santa María la Real no desenvolvemento dunha nova edición desta iniciativa que rematará en xuño

― Un 76% das participantes atópanse sen traballo despois de facer unha parada na súa actividade profesional para conciliar a vida persoal, familiar e laboral

― Ao longo de dous meses e co apoio de especialistas aprenderán a facer un plan integral de busca de emprego, actualizarán o seu CV, ensaiarán entrevistas de traballo e reforzarán as súas competencias transversais e dixitais

A Xunta promove xunto coa Fundación Santa María la Real unha nova edición do programa Entrena Empleo + no que están a participar desde esta semana unha vintena de mulleres sen emprego, de entre 27 e 60 anos, para incrementar as súas oportunidades laborais e, polo tanto, mellorar as súas posibilidades de inserción no mercado laboral. A iniciativa está dirixida a mulleres desempregadas, especialmente para aquelas que son paradas de longa duración por motivo da súa maternidade ou por coidados.

O programa rematará no mes de xuño e desenvólvese en formato en liña. Deste xeito, as participantes recibirán a través de diferentes sesións virtuais asesoramento por parte de especialistas da Fundación Santa María la Real para realizar un novo itinerario de busca de emprego e enfocar dunha maneira máis eficaz o seu obxectivo profesional.

No caso de Galicia están a tomar parte mulleres procedentes dos concellos da Coruña, Lugo, Viveiro e Baralla que contan con diversos niveles formativos (ESO, Formación Profesional, Bacharelato, grados universitarios ou máster) e con experiencia laboral en diversos sectores como son, entre outros, o comercio, administración, xeriatría, educación social, investigación, saúde, hostalería, análise de datos, atención ao público, sanidade, telecomunicacións ou construción.

Un 76% das participantes galegas atópase nunha situación de desemprego de longa duración tras a maternidade, tras ter realizado unha parada na súa actividade profesional para centrarse na crianza das súas fillas e fillos.

As mulleres que forman parte deste programa, financiado tamén polo Ministerio de Dereitos Sociais e Axenda 2030, divídense en cada unha das sesións en subgrupos para poder desenvolver un seguimento máis intensivo e personalizado. Entre as actividades que realizarán destacan a actualización do CV, o reforzo de competencias transversais e habilidades dixitais, o ensaio de entrevistas de traballo, a elaboración de mapas de empregabilidade e a visita a empresas.

Como novidade nesta edición, poranse en valor as habilidades que as participantes adquiriron durante a maternidade ou o coidado de familiares para que as poidan aplicar na súa prospección laboral.
Ao remate da iniciativa, as mulleres recibirán un certificado que acredite o seu nivel de competencias e habilidades dixitais e terán a posibilidade de participar no Plan Acompaña co que se lles presta seguimento e asesoramento posterior para a súa inserción no mercado laboral.

Relacionadas

A Escola municipal de teatro infantil de Neda estrea este mércores a comedia “Casa...

0
A escola municipal de teatro infantil de Neda organiza o mércores 26 de xuño, a partir das 19 horas, a súa tradicional Mostra fin...

A Xunta de Goberno dá un novo paso cara á protección do mural pintado...

0
A Xunta de Goberno local acordou esta mañá a aprobación provisional da modificación puntual do Catálogo do Plan especial de protección e rehabilitación da...

Fene propón un verán deportivo para todas as idades

0
Este mércores abre o prazo para inscribirse nos cursiños de verán de kaiak e paddle surf e no campamento lúdico-deportivo Bautismos de mergullo, cursiños de...

O dispositivo de emerxencias da San Xoán realizou 184 asistencias, 45 menos que ano...

0
Os servizos de limpeza viaria levan recollidas 57 toneladas de lixo O dispositivo de máis de 650 persoas encargado de velar pola seguridade en San...

San Sadurniño reivindicará o venres e o sábado a liberdade de ser e sentir

0
O Concello e a Asociación Cultural Brío promoven varias actividades co gallo do 28X, Día Internacional do Orgullo LGTBI+ O 28 de xuño celébrase o...

O Concello presenta un amplo programa de actividades culturais e deportivas para o verán

0
• A XXIII Feira dá Cebola Chata de Miño, a III Feira dá Cultura EnCamiño, cinema ao aire libre, exposicións, concertos ou cursos deportivos...

Publicacións Relacionadas