Home A Coruña Unhas trescentas persoas desafían á choiva e desfrutan do XLVII Desfile de...

Unhas trescentas persoas desafían á choiva e desfrutan do XLVII Desfile de Carrozas de San Cidre en Oural (Boqueixón)

- Anuncio -

O secretario xeral de Política Lingüística destacou que “esta festa celebra un solsticio no momento no que saímos da pandemia”

Unhas trescentas persoas desafiaron ás fortes choivas rexistradas durante toda a mañá e desfrutaron do XLVII Desfile de Carrozas de San Cidre, organizado pola Comisión de Festas de Oural en colaboración co Concello de Boqueixón. Unha festividade que tras dous anos de ausencia pola pandemia sanitaria congregou a seis carrozas, que repartiron viño e petiscos variados (filloas con chouirizo, orella…) entre os presentes.

A música correu a cargo da Charanga BB+, Tania Veiras e Pena do Corvo, mentres que pola tarde a verbena chegou da man da Orquestra Finisterre. Tras un desfile por Camporrapado, as carrozas trasladáronse ao campo da festa de Oural, onde tivo lugar o pregón a cargo do secretario xeral de Política Lingüística, Valentín García Gómez.

O pregoeiro amosouse moi “orgulloso de dar o pregón”, convidando aos presentes a “festexar e vivir a vida, sementade para o día de mañá”. Ademais de amosar a súa “admiración polo traballo que fan as persoas que elaboran as carrozas, onde me gusta ver que parte da mocidade se une para manter a tradición”, Valentín García destacou que “esta festa celebra un solsticio no momento no que saímos da pandemia, unha coincidencia moi bonita”.

Festa de interese turístico

Pola súa banda, o alcalde de Boqueixón, Manuel Fernández Munín, agradeceu o apoio que cada ano recibe este festa. “Dá gusto ver o campo cheo despois da pandemia”, asegurou o alcalde, quen insistiu en que “dende o Concello seguiremos apoiando esta festa para que sexa declarada de interese turístico de Galicia”. Os autores das carrozas recibiron cadansúa placa conmemorativa.

E é que a orixe do desfile de carrozas ten lugar fai case cinco décadas, cando un grupo de veciños de Oural-Camporrapado decidiu organizar, na honra ao patrón dos labregos, unha mostra das distintas tarefas relacionadas cos seus traballos diarios. Mostras que se instalaban en carros tirados por vacas e que foron evolucionando ata o día de hoxe que están movidas por vehículos a motor. Toda a festa está intimamente ligada á gastronomía tradicional (posto que cada carroza fai unha degustación de produtos típicos a cambio dun donativo económico simbólico) e ao folclore galego.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas