Home A Coruña Valentín González Formoso chama á militancia a unha “participación masiva” nas Primarias...

Valentín González Formoso chama á militancia a unha “participación masiva” nas Primarias do 30 de outubro para “recuperar a ilusión e a esperanza no PSdeG”

- Anuncio -

· Advirte de que “o conformismo pódenos levar á irrelevancia” e pide “un partido que aspire a gobernar Galicia”.

· Coincidindo co aniversario do nacemento de Pablo Iglesias Posse, Formoso reivindica Ferrol como “o berce do socialismo” e pide “un Partido Socialista que non sexa un fin en si mesmo senón un instrumento ao servizo da sociedade”.

· Formoso reitera o seu compromiso “favorecer a participación da militancia dentro do PSdeG” e lembra que “se fose pola actual dirección do partido as Primarias terían sido o 26 de setembro cun só candidato”.

Valentín González Formoso fixo hoxe en Ferrol, ante a militancia da cidade e de toda a comarca de Ferrolterra, un firme chamamento á “participación masiva” nas Primarias do próximo día 30 de outubro para a Secretaría Xeral do PSdeG e así poder, entre todos, “recuperar a ilusión e a esperanza no partido e poñer o mellor de nós ao servizo de Galicia”.

O candidato á Secretaría Xeral do PSdeG advertiu de que “o conformismo pódenos levar á irrelevancia” e pediu o apoio da militancia para lograr que o partido “volva a conectar coa sociedade e teña criterio nos asuntos de país”. “Somos o PSdeG, a nosa aspiración ten que ser gobernar Galicia, non podemos resignarnos a ser segunda ou terceira forza”, destacou.

Un día despois do 171 aniversario do nacemento de Pablo Iglesias Posse, Formoso reivindicou a Ferrol como “o berce do socialismo” e fixo referencia ás palabras do fundador do PSOE: “hai unha frase de Iglesias que vén inscrita no carné do PSOE: sodes socialistas non para amar en silencio as vosas ideas nin para recrearvos coa súa grandeza e co espírito de xustiza que as anima, senón para levalas a todas partes”. Neste sentido afirmou que “o socialismo non debe ser un instrumento en si mesmo senón un instrumento para cambiar e mellorar a sociedade”.

González Formoso, que participou esta fin de semana como cabeza da delegación coruñesa no 40 Congreso do PSOE celebrado en Valencia, afirmou que “foi o Congreso da unidade, da reafirmación dun partido que é consciente de que os grandes avances deste país conseguíronse cando o PSOE estivo unido e motivado, ese é o modelo que nós queremos para o PSdeG”.

Ademais, lembrou que “se fose pola actual dirección en funcións do PSdeG as Primarias terían sido o pasado 26 de setembro e só habería un candidato” e reiterou o seu compromiso de que “se son Secretario Xeral non haberá Primarias á medida, faranse co tempo suficiente para facilitar a participación da militancia e para que calquera compañeira ou compañeiro que queira aspirar a mellorar o partido e a sociedade poida presentarse”.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas