test
Home A Coruña VI edición da Mostra Internacional de Cinema Documental Mares da Fin do...

VI edición da Mostra Internacional de Cinema Documental Mares da Fin do Mundo celebrou a última das cinco xornadas programadas este domingo 5 de novembro

- Anuncio -

A VI edición da Mostra Internacional de Cinema Documental Mares da Fin do Mundo celebrou a última das cinco xornadas programadas este domingo 5 de novembro. A Mostra, organizada pola Asociación Cultural Mares da Fin do Mundo e patrocinada pola Deputación da Coruña, a Xunta de Galicia e o Concello de Outes, comezou a última xornada coa xa habitual demostración gastronómica a cargo de profesionais locais pertencentes á Asociación de Hostalaría Ría da Estrela. Nesta edición, gracias á colaboración coa Confraría de Pescadores San Andrés de Portosín a través da súa marca Azul de Portosín, os participantes poideron degustar pratos elaborados con produtos de proximidade. A Asociación estivo representada por Restaurante A Muradana, Casa Peto Outes, así como polo Taboleiro e Asador Albatros, encargados da elaboración dos pratos.

No relativo ás proxeccións, nesta quinta xornada os asistentes puideron ver a sección Popa, dedicada á proxección de arquivos e filmes históricos. Nesta sexta edición, esta sección contou coa colaboración da Cinemateca Portuguesa — Museu do Cinema a través do Proxecto FILMar, que ten como obxectivo a identificación, preservación, dixitalización e promoción do patrimonio fílmico relacionado co mar, contribuíndo a un maior coñecemento da presencia do mar na historia do cinema portugués. Para esta sección, escolléronse cinco títulos que reflicten a diversidade das artes, métodos de preservación e tratamento da pesca, amosando como esta era unha práctica social e comunitaria, en moitos casos motor de resistencia fronte ás violentas e inxustas condicións de traballo dos pescadores e das súas comunidades. Os filmes son exemplos documentais dun tempo vivido e herdado. De xeito especial, proxectouse un dos primeiros documentos históricos da pioneira Invicta Films, que no 1913 rexistrou “O naufraxio do Veronese”, que saíra do porto de Vigo, nunha fría noite de xaneiro, para naufragar na costa portuguesa. As outras catro obras foron: “A almadraba atuneira”, de António Campos (Portugal, 1961), “Tin Sardines”, de Leitao de Barros (Portugal, 1935), “Pesca do bacalhau”, de Fims Sanmael (Portugal, 1931) e “A indústria baleeira”, de José César de Sá e António Antunes da Mata (Portugal, 1932). Por primeira vez na Mostra, o público puido deleitarse co acompañamento de música en directo para algúns filmes silentes desta sección, gracias á labor do compositor Iván Rodríguez Armán e a interpretación ao piano de Paulo Brasil.

A continuación comezou o acto de clausura desta VI edición coa entrega de premios aos filmes participantes na Competición Oficial. O gañador do Premio do Público, que recibiu o trofeo “O Sancosmeiro” e unha dotación económica de 1000 € foi “Daughter of the Sea”, de Nicole Gormley & Nancy Kwon (Estados Unidos/Corea do Sur, 2023). O filme “Squid Fleet”, dirixido por Ed Ou e Will N. Miller (Estados Unidos, 2023) recibiu o trofeo “O Faro”, outorgado por un xurado profesional á Mellor Película da Competición Oficial, recibindo asemade unha dotación económica de 2000 €. A maiores, o xurado outorgou unha Mención Especial ao filme “Haulout”, de Evgenia Arbugaeva & Maxim Arbugaev (Reino Unido/Rusia, 2022). Como colofón e, para dar por rematada a VI Edición da Mostra, os asistentes ao acto de clausura poideron desfrutar da proxección dos dous filmes premiados.

A Mostra Internacional de Cinema Documental MARES DA FIN DO MUNDO está organizada pola Asociación Cultural Mares da Fin do Mundo, coa colaboración na dirección e produción de ABA Films e o apoio, entre outros, da Deputación da Coruña, a Dirección Xeral de Política Lingüística da Xunta de Galicia e o Concello de Outes. Así mesmo, MDFDM forma parte de Proxecta (Coordinadora Galega de Festivais de Cinema, integrada na federación estatal Pantalla).

Relacionadas

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

Unhas 140 crianzas e persoas adultas participan nas exhibicións do acto de clausura das...

0
Un total de 140 nenos, nenas e persoas adultas participaron nas exhibicións da festa de clausura das Escolas Deportivas Municipais de Frades 2023/2024, un...

Ciclo “Mes e Pico”: unha vintena de persoas participa nunha visita xeolóxica pola contorna...

0
Unha vintena de persoas participaron este sábado no paseo xeolóxico pola contorna do Pico Sacro, unha iniciativa incluída na programación do ciclo “Mes e...

A Escola Municipal de Ballet estrea o vindeiro sábado “Bailadoras” no novo auditorio

0
A concelleira de Educación, Cruz Rivadulla e a profesora da Escola Municipal de Ballet, Cristina Riveiro presentaron hoxe “ Bailadoras”, unha coreografía que fará...

San Sadurniño licita a subministración eléctrica da rede de iluminación pública e das dependencias...

0
O Concello de San Sadurniño acaba de licitar, por primeira vez na súa historia, a contratación do abastecemento eléctrico de toda a rede de...

Inaugurada a exposición sobre Juana de Vega no Centro Sociocomunitario de Caión

0
Poderase visitar ata o 28 de xuño, esta semana pola mañá e a próxima, pola tarde. A exposición itinerante “Juana de Vega, condesa de Espoz...

Publicacións Relacionadas