Home A Coruña Viñetas desde o Atlántico recupera o seu carácter presencial nunha 24 edición...

Viñetas desde o Atlántico recupera o seu carácter presencial nunha 24 edición que ten por lema a “resiliencia”

- Anuncio -

A alcaldesa, Inés Rey, destacou o apoio do Concello á creación e máis en concreto ao colectivo Coruña Gráfica de ilustradoras/es na presentación, con Miguelanxo Prado, da nova entrega

A alcaldesa, Inés Rey, presentou xunto co seu director Miguelanxo Prado, a 24 edición do salón Viñetas desde o Atlántico, qu incluirá unha completa programación do 9 ao 15 de agosto, e que incluirá a presenza de autoras e autores nacionais como Javier Olivares, Teresa Valero ou Raúl Allén e Patricia Martín. Nesta entrega, a rexedora destacou a importante representación feminina, unha premisa marcada desde os inicios. Subliñou tamén que o conxunto de convidadas/os son referentes nacionais nos distintos xéneros e subxéneros da banda deseñada: “Somos conscientes de que o éxito de Viñetas radica nunha fórmula que chega ao espectador avantaxado, que gusta desta arte e quere máis, pero, sobre todo, que lles toca ás persoas que non cultivan a historieta, pero que veñen mirar e nese ollar ao mundo do cómic, quedan”. Neste aspecto, Rey remarcou que “a nosa prioridade é seguir programando cultura” e apoiar as creadoras e creadores como as/os ilustradores do colectivo Coruña Gráfica, “un referente na nosa cidade á hora de lles poñer imaxes a moitos dos eventos que organizamos desde María Pita”.

Pola súa banda, Miguelanxo Prado sinalou que nesta edición non asistirán convidadas/os estranxeiras/os porque suporía un risco inasumible pola situación sociosanitaria actual, e tampouco haberá obradoiros infantís xa que “é un sector de poboación aínda sen vacinar e son actividades manuais”. Polo resto, o responsable do salón agarda que sexa unha edición completamente normal baixo un fío condutor como o da resiliencia, “estamos aquí e conseguimos sobrevivir” e pese que a criseafectou a moitas autoras e autores, “non descoidamos a visión panorámica deste festival e este ano Teresa Valero realizou un cartel moi indicado porque nos amosa clásicos, superheroes, historias máis sociais e cómic moderno a través de personaxes pintados na vela dun barco que se aproxima á Torre”.

Entre as/os protagonistas deste ano estarán Pepe Larraz, hoxe un referente no xénero dos superhéroes, e o Premio Nacional Javier Olivares, “un exemplo desta resiliencia, que comezou na revista ‘Madriz’ e foi construíndo un estilo propio”. De Teresa Valero, destacou a súa última obra “Contrapaso. Los hijos de los otros”, un libro “bofetada”, recoñecido pola crítica e o público. Jaime Martín virá á cidade para falar da triloxía que acaba de rematar sobre a Guerra Civil e a parella Fernando Llor e Miguel Porto compartirán a súa experiencia tras plasmaren en “Subnormal” o acoso escolar sufrido por Iñaki Zubizarreta: “Este tebeo confirma o éxito dunha importantísima vía que se abriu na Banda Deseñada como é a social”. Ademais, na Casa de Cultura Salvador de Madariaga, exporán a súa obra os dous últimos premios Castelao de Banda Deseñada 2020 da Deputación da Coruña, Begoña García-Alén e Andrés Magán. Por último, o director recordou que o ano que vén se cumprirán 25 anos de Viñetas, en que espera que “poidamos celebrar o obxectivo que conseguimos e que nos marcamos cando comezamos que é que a cidade pense o festival como parte das súas festas e da súa vida cultural”.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas