Home O Ribeiro Castrelo de Miño A Deputación colabora co “Open Primavera de Remo” que se disputará en...

A Deputación colabora co “Open Primavera de Remo” que se disputará en Castrelo de Miño para xuvenís, sub-23 e paralímpicos

- Anuncio -

O vicepresidente segundo da Deputación e deputado de Deportes, César Fernández, participou hoxe no Club Náutico de Castrelo de Miño, na presentación da “Open Primavera de Remo” que se disputará os días 23 e 24 de marzo en Castrelo de Miño. Trátase dunha regata de acceso ao equipo nacional que servirá como criterio de selección para formar parte dos equipos nacionais que participarán nas regatas internacionais de 2024.

Castrelo de Miño reunirá aos mellores deportistas xuvenís, sub-23 e paralímpicos que terán que medirse para optar a entrar nos grupos de preparación da selección española. Máis de 300 deportistas de toda a xeografía española procedentes de 35 clubs diferentes disputarán esta proba selectiva. Entre os clubs inscritos atópanse 10 galegos que traerán aos deportistas máis destacados.

A competición comezará o 23 de marzo pola mañá coas rondas eliminatorias, e o domingo disputaranse as finais. A entrega das medallas está prevista que se realice o domingo, 24 de marzo, a partir das 13.30 horas.

Trátase da terceira regata nacional da tempada que ten lugar en Castrelo de Miño baixo a organización da Federación Española de Remo, Federación Galega de Remo e o Club Náutico Castrelo de Miño, coa colaboración da Deputación de Ourense e do Concello de Castrelo de Miño.

Á presentación tamén asistiu o vicepresidente da Federación Española de Remo, Ricardo Unzueta; o vicepresidente da Federación Galega de Remo, Miguel Balsa; o alcalde e o concelleiro de Deportes de Castrelo de Miño, Avelino Pazos e José Antonio Ferreiro, respectivamente; o xefe do servizo de Deportes da Xunta en Ourense, Manuel Pérez; e a presidenta do Club Náutico Castrelo de Miño, Beatriz Alberte.

Relacionadas

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

A Deputación inviste 790.000 euros na mellora da seguridade viaria da estrada provincial EP-2703...

0
A deputada de Infraestruturas Públicas, Isabel Couselo, percorreu tramos desta estrada provincial xunto coa alcaldesa de Ponteareas e tamén deputada provincial, Nava Castro, para...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Luisa Sánchez anima a cidadanía a participar na II Andaina do Maúxo organizada pola...

0
A vicepresidenta da Deputación de Pontevedra, Luisa Sánchez, participou este martes na Alameda de Vigo na presentación da II Andaina do Maúxo, que organiza...

Isabel Couselo reúnese con Patrimonio da Xunta de Galicia para avanzar en proxectos en...

0
A deputada de Infraestruturas Públicas, Mobilidade e Contratación Isabel Couselo acaba de reunirse no edificio da Xunta de Galicia de Pontevedra con responsables e...

A Deputación esgota as prazas para a nova xeira de visitas guiadas ao convento...

0
En menos de dous minutos cubríronse as 120 prazas dispoñibles para as visitas, que terán lugar os días 7, 8, 15, 16, 22 e...

Publicacións Relacionadas