Home Deputacións Deputación Lugo A Deputación de Lugo abre o prazo para que os concellos presenten...

A Deputación de Lugo abre o prazo para que os concellos presenten proxectos do Plan Único 2021

- Anuncio -

Os 67 municipios da provincia, que terán un mes, ata o 12 de febreiro, para presentar as propostas, poderán traballar con maior previsión e tempo grazas á axilidade do Goberno provincial na aprobación das bases do programa, que publica hoxe o BOP

A Deputación de Lugo abre hoxe, 12 de xaneiro, o prazo para que os 67 concellos da provincia presenten os proxectos do Plan Único 2021. As entidades locais, que terán un mes, ata o día 12 de febreiro, para presentar as propostas, poderán traballar cunha maior previsión grazas á axilidade do Goberno provincial, que, por primeira vez dende que existe o plan, aprobou as bases no ano anterior ao seu período de vixencia. Isto permitiralles aproveitar mellor os recursos, pois terán máis tempo para acometer as diferentes actuacións e poderán comezar as obras na primavera verán, a época propicia para facelas.

O Boletín Oficial da Provincia (BOP) publica hoxe as bases deste programa, que presenta como novidades a subida da dotación económica ata os 21,5M€, unha decisión coa que o Goberno reforza o principal instrumento de cooperación da Deputación cos concellos, nun ano no que teñen máis necesidades polos efectos da crise sanitaria, sobre todo aqueles máis pequenos nos que boa parte da actividade depende dos recursos económicos aportados pola institución provincial. O incremento progresivo do Plan Único tamén cumpre co recollido no pacto de Goberno.

Outra das novidades do Plan Único 2021 é a posibilidade de imputar gastos de contratación de persoal dende principios de ano, o que favorecerá a creación de postos de traballo. Esta medida terá carácter permanente, pero este ano será especialmente importante para contribuír á recuperación do mercado laboral.

Así mesmo, dentro da liña Covid do Plan Único, a Deputación abriu unha nova vía para que os concellos poidan apoiar ao sector servizos –hostalería, comercio e turismo-, actividades que resultaron das máis gravemente afectadas polo impacto da pandemia e que son o músculo da actividade económica da provincia.

Criterios públicos e obxectivos
O Plan Único 2021 mantén polo demais a súa esencia, como é a distribución dos fondos en función de criterios públicos e obxectivos, como a poboación, a superficie, a dispersión territorial e a taxa de envellecemento. Ademais, como en anos anteriores, fíxase un máximo de 500.000€ para os concellos de máis habitantes, e de 200.000€ para os concellos que teñen menos habitantes

Relacionadas

A Deputación inviste 48.000 euros na mellora dos firmes nos accesos a Barracel e...

0
O presidente provincial, Luis Menor, visitou hoxe Barracel, acompañado pola alcaldesa deste municipio, Asunción Morgade, para comprobar in situ o avance destas obras que...

A Deputación mobiliza máis de 662.000 euros en cooperar cos concellos así como con...

0
A Xunta de Goberno vén de aprobar a ratificación da resolución do presidente para a reapertura da convocatoria do concurso para a concesión de...

A Deputación esgota en seis minutos as prazas da actividade de “Voando nas Rías...

0
A ruta impulsada da man de SEO/BirdLife celebrarase o 23 de xuño e permitirá observar aves na contorna da praia, entre os concellos do...

O vicepresidente da Deputación entrega os premios aos centros escolares gañadores do Concurso Micromuseo

0
Alumnado do IES Pintor Colmeiro, de Silleda, do CEIP San Clemente de Cesar, de Caldas de Reis,  e do CEIP Plurilingüe de Domaio, de...

A Deputación de Pontevedra leva ata o Palacete das Mendoza a exposición “Obra incompleta”...

0
A mostra da artista viguesa poderá visitarse na Sede de Turismo Rías Baixas ata o vindeiro 30 de xuño A Deputación de Pontevedra abre ao...

O vicepresidente Rafa Domínguez fai entrega de trofeos da VIII Epic Race Pontevedra

0
O vicepresidente da Deputación, Rafa Domínguez, fixo entrega de trofeos aos gañadores da VIII Epic Race Pontevedra, a grande cita galega coa ultrarresistencia en...

Publicacións Relacionadas