Os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Riotorto, Trabada, O Valadouro, O Vicedo, Viveiro e Xove percibirán este recursos económicos para manter e mellorar servizos e infraestruturas, fomentar o emprego e impulsar o tecido produtivo e asociativo
As bases deste programa de cooperación cos concellos xa foron aprobadas no Pleno de decembro e neste mes abrirase o prazo para que cada entidade local presente os proxectos e accións a financiar cos fondos
A Deputación de Lugo inviste 5M€ na Mariña a través do Plan Único de Cooperación cos Concellos 2021. As bases xa foron aprobadas no Pleno de decembro e neste mes de xaneiro abrirase o prazo para que cada entidade local poida solicitar os investimentos e accións a financiar con estes fondos provinciais.
Os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Riotorto, Trabada, O Valadouro, O Vicedo, Viveiro e Xove percibirán este recursos económicos para manter e mellorar servizos e infraestruturas, fomentar o emprego e impulsar o tecido produtivo e asociativo, entre outras actuacións encamiñadas a atender as necesidades dos seus veciños e veciñas.
O aumento da dotación económica do Plan Único ata os 21,5M€ e a aprobación das bases, por primeira vez dende que existe o programa, no ano anterior ao seu período de vixencia son dúas das novidades do Plan deste ano, xunto á posibilidade que terán os concellos de imputar xa dende principios de ano gastos de contratación e a apertura dunha nova vía, dentro da liña Covid, para apoiar ao sector servizos, tanto á hostalería, como o comercio e o turismo, actividades das máis gravemente afectadas polo impacto da crise provocada pola pandemia.
A distribución dos fondos faise en función de criterios obxectivos, como a poboación, a superficie, a dispersión territorial e a taxa de envellecemento. Ademais, como en anos anteriores, fíxase un máximo de 500.000€ para os concellos de máis habitantes, e de 200.000€ para os concellos que teñen menos.
Distribución dos fondos por concellos da Mariña
CONCELLOS
ACHEGA PLAN ÚNICO 2021
ALFOZ 274.404,09 €
BARREIROS 276.433,81 €
BURELA 376.018,28 €
CERVO 295.573,91 €
FOZ 426.046,87 €
LOURENZA 253.293,15 €
MONDOÑEDO 309.920,66 €
OUROL 306.999,22 €
PONTENOVA (A) 274.837,63 €
RIBADEO 446.596,56 €
RIOTORTO 239.254,43 €
TRABADA 250.838,08 €
VALADOURO (O) 288.884,23 €
VICEDO (O) 256.406,10 €
VIVEIRO 500.000,00 €
XOVE 278.023,86 €
TOTAL 5.053.530,88€
