Estas subvencións contémplanse no marco do Plan de Sustentabilidade Turística en Destino Ourense Colle Velocidade, Vilas Históricas e Termais da provincia, financiado pola Unión Europea, NextGeneration EU, en colaboración coa Axencia de Turismo de Galicia e a Secretaría de Estado de Turismo
Os interesados poderán presentar ata o 9 de xuño as solicitudes para os municipios de Arnoia, Bande, Boborás, Baños de Molgas, Cortegada, Cenlle, Castrelo de Miño, Carballiño, Leiro, Lobios, Monterrei, Muíños, Punxín, Ribadavia, Verín, Allariz e Castro Caldelas
O Boletín Oficial da Provincia de Ourense publicou o 7 de maio de 2025 as bases reguladoras para a concesión, en réxime de concorrencia competitiva, de subvencións para a construción de ecoaloxamentos e a súa convocatoria, no marco do Plan de Recuperación, Transformación e Resiliencia, financiado pola Unión Europea, NextGeneration EU, en colaboración coa Axencia de Turismo de Galicia e a Secretaría de Estado de Turismo.
A subvención conta cun orzamento de 212.000 euros pertencente á actuación 1.3 “Ecoaloxamento en Concellos con potencial termal ou con centros históricos, dentro do Eixo 1 “Transición verde e sostible” do PSTD.
O obxecto da subvención é a construción ou instalación de ecoaloxamentos en municipios con oferta reducida ou inexistente de infraestrutura turística, que conforman a área de intervención do Plan de Sustentabilidade Turística Ourense Colle Velocidade, Vilas Históricas e Termais, da provincia de Ourense, (Arnoia, Bande, Boborás, Baños de Molgas, Cortegada, Cenlle, Castrelo de Miño, Carballiño, Leiro, Lobios, Monterrei, Muíños, Punxín, Ribadavia, Verín, Allariz e Castro Caldelas).
A contía das subvencións obxecto desta convocatoria consistirá no 40% do prezo total neto do proxecto de construción de cada ecoaloxamento cun máximo de 40.000,00 €.
Os interesados poderán presentar un máximo de dúas solicitudes a condición de que os ecoaloxamentos atópense en municipios distintos dentro do ámbito de actuación. Para presentar a solicitude contan co prazo dun mes desde a publicación do BOP, que expira o vindeiro 9 de xuño.
O resto das condicións e criterios para a concesión da subvención atópanse recollidos nas bases reguladoras: https://www.depourense.gal/es/servizos/subvencions/relacion-concursos/concurso-publico-para-construccion-ecoalojamientos-en-el
