Home Deputacións Deputación Pontevedra A Deputación destina preto de 140.000 euros a 27 concellos da provincia...

A Deputación destina preto de 140.000 euros a 27 concellos da provincia para que presenten proxectos á convocatoria do PIREP local

- Anuncio -

Os municipios de menos de 50.000 habitantes poderán financiar así os gastos das asistencias técnicas que se contraten para preparar a documentación e solicitar axudas para rehabilitar edificios públicos

O goberno da Deputación de Pontevedra aproba esta semana as subvencións por valor de 138.651 euros para que concellos de menos de 50.000 habitantes da provincia poidan sufragar os gastos derivados das asistencias técnicas que contraten para preparar a documentación necesaria para a presentación de solicitudes de subvención e/ou, no seu caso, redactar e adaptar os proxectos de investimento que se poidan acoller á convocatoria Programa de Impulso á Rehabilitación de Edificios Públicos (PIREP local), convocado no marco do Plan de Recuperación, Transformación e Resiliencia (PRTR).

En concreto, a Deputación creou esta liña extraordinaria de subvencións para axudar ao mundo local a redactar estes proxectos, así como elaborar a documentación técnica dunha convocatoria tan complexa. A achega provincial repártese en dúas liñas específicas. A primeira, á que se acolleron 9 concellos da provincia, está dirixida a aqueles que obtiveron subvención provincial no marco do programa ReacPon para a rehabilitación de inmobles municipais. Por outra banda, a modalidade B, que beneficia a dezaoito concellos da provincia, subvenciona a redacción de proxectos aos concellos que opten por outras actuacións no marco do PIREP local.

En total, son 27 municipios con menos de 50.000 habitantes os que reciben esta axuda, cun valor total de 138.651 euros, cantidade que cobre o orzamento de actuación subvencionable solicitado por todos os concellos. En concreto, Arbo, A Cañiza, Cerdedo-Cotobade, Covelo, Fornelos, Gondomar, O Grove, A Guarda, Meaño, Meis, Moaña, As Neves, Oia, Pazos de Borbén, Poio, Ponteareas, O Porriño, Ribadumia, O Rosal, Salceda, Silleda, Soutomaior, Tomiño, Tui, Valga, Vilaboa e Vilanova de Arousa.

Relacionadas

Redondela mantén a punto os areais no comezo da primavera

0
Nas semanas previas á chegada da primavera e a Semana Santa o departamento de Medio Ambiente do Concello de Redondela deixou en estado de...

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

Publicacións Relacionadas