Rafa Domínguez: “Convidamos a toda a cidadanía a que se achegue ata a escalinata do Pazo Provincial da Deputación a gozar deste xa novo trunfo do fútbol feminino español que avanza a pasos axigantados e tantas alegrías nos dá”
A Deputación de Pontevedra instalará na escalinata exterior do Pazo Provincial unha pantalla xigante para que a cidadanía poida seguir a final da Eurocopa feminina que a Selección Española de fútbol xogará en St. Jakob- Park de Basilea, en Suíza, o vindeiro domingo a partir das 18:00 horas contra Inglaterra.
O goberno provincial quere, deste xeito, que os seareiros poidan reunirse para seguir un partido de fútbol do máis alto nivel. O vicepresidente provincial, Rafa Domínguez, convidou a toda a cidadanía “a que se achegue ata a escalinata do Pazo provincial da Deputación a gozar deste xa novo trunfo do fútbol feminino español, porque estar xa na final da Eurocopa é un éxito sen precedentes, que avanza a pasos axigantados e tantas alegrías nos dá”.
Non é a primeira vez que o executivo de Luis López formula unha iniciativa destas características. O pasado ano, a Deputación instalou unha pantalla xigante para seguir tamén a final da Eurocopa masculina e tamén permitiu que os seareiros puidesen ver o encontro de ida da final polo ascenso a Primeira Federación entre o Pontevedra e o filial do Real Betis.
