Trátanse de recursos do II Plan de Infraestruturas Deportivas que permitirán financiar a maior parte desta actuación situada na parroquia de San Miguel, que conta cun orzamento de 215.000 euros
A Deputación de Pontevedra investirá preto de 140.000 euros na renovación do céspede artificial do campo de fútbol Monte da Lomba, na parroquia de San Miguel de Vilanova de Arousa. Trátanse de recursos do II Plan de Infraestruturas Deportivas que permitirán financiar a maior parte desta actuación, que conta cun orzamento de 215.000 euros.
Con esta axuda provincial será posible renovar o céspede artificial desta instalación deportiva substituíndoo por un de nova xeración, xa que o actual presenta un excesivo desgaste e supón un risco físico para os deportistas que xogan na súa superficie. O novo céspede será de fibra bicolor verde e contará con marcaxe branco segundo as normas da Real Federación Española de Fútbol.
Para acometer a actuación formaranse dúas capas, unha inferior de lastrado de area de sílice e outra superior de caucho reciclado ou material semellante, sempre que sexa axeitado para a práctica deportiva. Ademais tamén se procederá a realizar unha limpeza do sistema de drenaxe e montarase o equipamento deportivo trala renovación do céspede.
