Home Deputacións Deputación Pontevedra A Deputación logra para #pontevedraprovincia o primeiro premio en FITUR ao mellor...

A Deputación logra para #pontevedraprovincia o primeiro premio en FITUR ao mellor destino SICTED de toda España

- Anuncio -

Este novo recoñecemento premia o traballo da institución provincial a prol do turismo en formación de calidade e converte Rías Baixas no único destino galego galardoado

Carmela Silva: “Este recoñecemento reforza o noso traballo e sitúanos como unha gran referencia en calidade turística en Galicia e en todo o Estado”

A Deputación de Pontevedra recollerá no marco de FITUR o premio que vén de conseguir a provincia como Mellor Destino SICTED de toda España nos XII Premios de Calidade Turística en Destino, outorgados polo Ministerio de Turismo. A provincia convértese deste xeito no único territorio galego entre os 19 destinos galardoados nesta edición do certame.

A presidenta Carmela Silva sinalou que “somos o destino de maior calidade de España deste ano, polo que cómpre dar os parabéns a todas e todos por este recoñecemento ao labor que realizamos desde a institución”. A responsable provincial agradeceu por iso o sector privado da provincia, “polo seu compromiso e bo facer e por apostar por sumarse a este distintivo de calidade turística nos destinos”, e ratificou a aposta provincial polo turismo de calidade. “Seguimos avanzando porque a nós impórtanos o sector turístico, traballamos por el, e este recoñecemento ao mellor destino de calidade turística é un recoñecemento que nos impulsa a traballar aínda máis e mellor”.

O pasado ano a Deputación xa vira recoñecido o seu traballo na edición destes premios, acadando o galardón á mellor persoa xestora do SICTED grazas ao plan de formación de calidade implementado pola institución, que impulsou que máis de 300 establecementos turísticos da provincia (302) xa teñan acadado o distintivo. Ademais, a Deputación está a traballar con arredor doutros 50 establecementos que están a piques de recibir o SICTED, o que elevaría potencialmente ata 350 o número de establecementos distinguidos. Cómpre lembrar que Pontevedra é a provincia con maior número de establecementos adheridos. Para seguir sumando novos establecementos, a Deputación acaba de renovar a súa aposta polo servizo de implantación e desenvolvemento do Sistema Integral de Calidade Turística Española en Destinos, cun orzamento próximo aos 240.000 € e durante 27 meses.

Este novo éxito para a Deputación de Pontevedra referenda de novo a postura da institución provincial no ámbito turístico nun dobre sentido. En primeiro lugar, por camiñar do lado do sector turístico, implicándoo en todas as accións, consensuando con el as liñas de traballo e implementando programas que axuden as empresas da provincia a acadar a excelencia turística. E, en segundo lugar, por sumar un recoñecemento máis na longa lista de méritos conseguidos este último par de anos polas campañas de promoción turística da provincia lideradas pola Deputación, de feito que a institución provincial acadou o título do mellor audiovisual turístico do mundo en 2 anos consecutivos por “Fame de experiencias?” e “Sigue o teu instinto”, tras acadar estes un total de 24 premios internacionais en diferentes festivais turísticos de todo o mundo.

O premio á provincia de Pontevedra como Mellor Destino SICTED de España nos XII Premios de Calidade Turística en Destino entregarase o vindeiro xoves 20 de xaneiro ás 11:00 horas no marco da feira FITUR e recollerao a presidenta da Deputación.

Relacionadas

O BNG chama a parar o espolio e a depredación do modelo eólico da...

0
Bará chama a mobilizarse mañá, sábado 29, ás 12 h. diante do edificio administrativo da Xunta en Campolongo Nunha comparecencia de prensa, acompañado polo responsábel...

Baiona sóbese a bordo da transformación dixital para ofrecer unha experiencia turística cultural e...

0
O Concello de Baiona vai adherirse ao proxecto Exploraterra, que nace co obxectivo de promover e preservar o patrimonio cultural das grandes expedicións marítimas...

Concello e Policía Local elaboan un mapa de puntos negros para detectar e intervir...

0
Inclúe un documento que analiza a violencia sexual e a seguridade con perspectiva de xénero, localiza os espazos e zonas pouco iluminadas ou inseguras...

O goberno provincial garante a continuidade do Plan para recuperar xacementos Galaico-Romanos e anuncia...

0
O Pleno sumouse de forma unánime á  declaración de pesar da presidenta tralo “duro golpe” polo falecemento da ex-alcaldesa de O Porriño Eva García...

O concello de Bueu recibe o informe de accesibilidade sobe a Banda do Río...

0
• O Concello implementará melloras co fin de que o barrio e todos os espazos públicos sexan accesibles para toda a cidadanía Silvia Carballo, concelleira...

A Deputación aproba 1,6 millóns do Plan Concellos 22-23 que beneficiarán a once municipios...

0
O Goberno aprobou as primeiras oito achegas da Liña 3 de Emprego, que permitirán contratar a 126 persoas nos concellos de Arbo, Catoira, A...

Publicacións Relacionadas