Home Deputacións Deputación Pontevedra A Deputación publica o libro "Da terra espoliada" de Pancha Candeira sobre...

A Deputación publica o libro “Da terra espoliada” de Pancha Candeira sobre como a veciñánza do Condado sobreviviu no primeiro franquismo

- Anuncio -

A presentación terá lugar o vindeiro día 13 ás 20 horas no auditorio municipal de Ponteareas

A publicación explica como a fame facilitou o estraperlo para as persoas achegadas ao Réxime e obrigou ao contrabando a quen pretendía subsistir

A Deputación de Pontevedra, a través do seu departamento de Patrimonio Documental e Bibliográfico, vén de publicar o libro ‘Da terra espoliada. Poder político, control social, explotación económica e fame no primeiro franquismo. O condado, 1936-1959’, do investigador Pancho Candeira. A presentación terá lugar o vindeiro día 13 ás 20 horas no auditorio municipal de Ponteareas e contará coa presenza do autor e a deputada de Patrimonio  e Memoria Histórica María Ortega, impulsora da edición.

No libro, de máis de 500 páxinas, o autor fai un percorrido histórico polos primeiros anos da ditadura e pretende amosar “cal foi a vida que resultou daquela guerra cruel e incivil e como cada quen se situou nas novas circunstancias para mellor sobrevivir”. “A moitas das persoas sobrevivintes dos anos 40 aquilo parécelles hoxe un mal soño que, cando o teñen que lembrar segue a causarlles unha fonda dor”.

A publicación divídese en seis capítulos, un primeiro no que se dá unha contextualización histórica, falando da diversidade política, a Restauración e o caciquismo, o agrarismo e obreirismo, os movementos sociais durante a ditadura de Primo de Rivera, a Segunda República e a Guerra Civil.

Na segunda parte fálase da toma do poder e o proceso xeral de depuración municipal no caso de Ponteareas e a relación de persoal funcionario que foi inmediatamente separado do servizo polo delegado gubernativo Mauricio Troncoso, así como a relación de expedientes incoados a persoas traballadoras tan diversas como o interventor, o exsecretario, unha empregada da limpeza, gardas municipais ou empregados diversos.

No capítulo terceiro relátanse as condicións de vida xerais na posguerra, a perspectiva infantil e xuvenil, as vinganzas, o contrabando; pero tamén se recolle a autarquía e os anos da fame, das cartillas de racionamento, dos auxilios da Falange e da beneficencia; do mercado negro e a corrupción do réxime franquista, entre outras.

O seguinte capítulo aborda a ideoloxía, o poder político, os cadros de persoal, e os sistemas de contratación, organización e funcionamento político administrativo, con especial relación dos privilexios do sistema aos ‘caballeros mutilados’, falanxistas e excombatentes.

O capítulo quinto fai referencia ás irmandades sindicais de labradores e gandeiros como integrantes do sistema de poder e control social, e finalmente o derradeiro apartado, o sexto, relata a política autárquica de repoboación forestal e os seus efectos sobre a economía da bisbarra, falando das persoas beneficiarias e prexudicadas.

Relacionadas

Redondela mantén a punto os areais no comezo da primavera

0
Nas semanas previas á chegada da primavera e a Semana Santa o departamento de Medio Ambiente do Concello de Redondela deixou en estado de...

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

Publicacións Relacionadas