Home Deputacións Deputación Ourense A Deputación urbanizará os terreos nos que se construirá o novo centro...

A Deputación urbanizará os terreos nos que se construirá o novo centro de saúde de Montederramo

- Anuncio -

Nun encontro no Pazo Provincial, Manuel Baltar avanzou ao alcalde, Antonio Rodríguez, que a Deputación tamén formará parte deste proxecto en colaboración coa Xunta de Galicia e o propio Concello

O presidente do goberno provincial felicitou ao rexedor “por unha nova que vai mellorar os servizos sanitarios da veciñanza; un logro baseado nun piar esencial da xestión pública como é a cooperación entre administracións”

O rexedor agradeceu unha colaboración “que nos permitirá contar cunhas modernas instalacións e sen compartir espazos con outras actividades”

O presidente da Deputación, Manuel Baltar, recibiu no Pazo Provincial ao alcalde de Montederramo, Antonio Rodríguez, co que analizou diversas liñas de colaboración entre ambas administracións, con especial atención ao proxecto de construción do novo centro de saúde do municipio.

Manuel Baltar avanzou ao rexedor que a Deputación tamén formará parte do proxecto, en colaboración coa Xunta de Galicia e o propio Concello, facéndose cargo da urbanización dos terreos nos que se situará esta nova dotación sanitaria, cooperación que quedará ratificada mediante a sinatura dun convenio.

O presidente do goberno provincial felicitou ao alcalde de Montederramo “pola consecución dunha nova infraestrutura que vai mellorar os servizos sanitarios da veciñanza”, destacando que se trata dun novo logro “baseado nun piar esencial da xestión pública como é a cooperación entre administracións”.

Antonio Rodríguez agradeceu a colaboración da Deputación nun proxecto “que nos permitirá contar cunhas modernas instalacións e sen compartir espazos con outras actividades”. O alcalde sinalou que o Concello xa ultima os trámites para a adquisición da parcela, “que despois cederemos á Xunta e será urbanizada pola Deputación, antes de iniciar os traballos de construción”.

Os terreos nos que se situará o novo centro de saúde, supervisados xa polos técnicos da Xunta, contan cun espazo edificable de máis de catrocentos metros cadrados, o que permitirá construír unhas instalacións catro veces máis grandes que as actuais, que teñen trinta anos de antigüidade.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

A nova liña 6 de autobuses urbanos entrará en servizo o vindeiro luns, con...

0
Cruzará a cidade de Norte a Sur e unirá puntos clave como a estación intermodal, O Couto Norte, centro cidade, residencia e Barrocás O Pavillón...

Luis López anuncia un investimento de 1,5 millóns de euros en tres anos no...

0
O presidente provincial, acompañado pola deputada de Turismo, Nava Castro, detallou o contido dun plan que contempla a renaturalización da contorna, o deseño de...

A Deputación aproba máis de 100.000 euros para realizar melloras nas infraestruturas deportivas da...

0
O Plan Extraordinario de Infraestruturas Deportivas xa mobilizou máis de 930.000 euros entre os concellos da provincia A Deputación de Pontevedra acaba de aprobar axudas...

Publicacións Relacionadas