Home Pontevedra Barro A programación cultural e deportiva da Deputación chega esta fin de semana...

A programación cultural e deportiva da Deputación chega esta fin de semana a Cambados, Meis, Ribadumia, Pontevedra, Barro e Meaño

- Anuncio -

Teatro, arquitectura, literatura e natureza serán as grandes protagonistas das propostas de lecer que se desenvolverán nos espazos públicos destes concellos

A Deputación de Pontevedra dá inicio este sábado a unha fin de semana na que teatro, arquitectura, literatura e natureza encherán os concellos de Cambados, Meis, Ribadumia, Pontevedra, Barro e Meaño dunha variada proposta de lecer. Do 9 ao 10 de outubro, os espazos públicos destes municipios acollerán actividades enmarcadas nos programas provinciais “Roteiros Literarios”, “Rutas de Arquitectura” e “Depo Orienta”, que celebran a súa última cita de 2021, e de “Tornar as Táboas”, cuxas funcións se estenderán ata o 19 de decembro.

A última das “Rutas de Arquitectura” terá lugar este sábado 9, ás 10.00 horas, e arrancará no Mosteiro de A Armenteira, en Meis, para ofrecer a continuación un interesante itinerario que pasará tamén pola igrexa de Santa María Dozo e polo pazo de Quinteiro da Cruz, percorrendo tamén os concellos de Cambados e Ribadumia. Pola súa banda, os “Roteiros Literarios” pechan a súa edición 2021 o domingo 10, ás 11.30 horas, coa “Vida cultural, política e social na Pontevedra de Todo canto fomos”. Celebrarase en Pontevedra, e seguirá os escenarios da novela Todo canto fomos, para coñecer as localizacións dos principais cafés dos anos vinte e trinta, berce de importantes iniciativas culturais e políticas; algúns edificios relacionados co ámbito da docencia desa época; a situación das imprentas nas que se publicaban os xornais e obras literarias da época; así como os lugares relacionados coa fundación do Partido Galeguista.

O teatro será outro dos grandes protagonistas do domingo, que contará con dúas novas funcións no marco de “Tornar as Táboas”, a última declaración de ánimo e vontade da Deputación para que o teatro retome a súa actividade nos escenarios de auditorios e centros culturais da provincia. Ás 12.00 horas, terá lugar no Pazo da Crega (Barro), Circanelo, a cargo de N+1 Teatro, Circo e Danza. Pola tarde, ás 19.00 horas, o salón de actos de Pazos de Borbén albergará Camiño de Historias, de Migallas Teatro. Finalmente, no ámbito do deporte, o programa “Depo Orienta”, que ten como obxectivo que os seus/as participantes realicen no menor tempo posible e a contra reloxo un percorrido marcado no terreo coa única axuda dun mapa, ofrece a súa última ruta do ano na desembocadura do Río Umia, en Cambados.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Publicacións Relacionadas