Home Valdeorras A Veiga A Veiga acollerá a primeira edición da “Gran Carreira de Carrilanas”

A Veiga acollerá a primeira edición da “Gran Carreira de Carrilanas”

- Anuncio -

Este evento, que conta coa colaboración do Inorde, celebrarase por primeira vez no municipio valdeorrés o vindeiro 8 de outubro

Rosendo Fernández felicitou a “Espazo Carrilano”, organizadores da proba, por “impulsar iniciativas deste tipo que contribúen a dinamizar a vida social e económica dos municipios, converténdose nunha gran oportunidade para que a xente coñeza o potencial do noso territorio, neste caso, da Veiga”

O municipio de A Veiga acollerá a primeira edición da “Gran Carreira de Carrilanas”, un evento que conta coa colaboración do Inorde e que se celebrará por primeira vez no municipio valdeorrés o vindeiro 8 de outubro. A presentación da proba tivo lugar hoxe na sala de prensa do Pazo Provincial, acto no que participou o presidente do Inorde, Rosendo Fernández; o alcalde da Veiga, Juan Anta; e o representante de “Espazo Carrilano” organizadores da proba, Marcos Porto.

Rosendo Fernández felicitou a “Espazo Carrilano”, organizadores da proba, por “impulsar iniciativas deste tipo que contribúen a dinamizar a vida social e económica dos municipios, converténdose nunha gran oportunidade para que a xente coñeza o potencial do noso territorio, neste caso, da Veiga”. Ademais, o presidente do Inorde destacou o gran traballo que supón organizar este tipo de eventos polo que “agradezo que a propia veciñanza se implique no desenvolvemento dos territorios, sobre todo a mocidade, e continúen a apostar polos nosos pobos, xa que é a maneira de que afrontemos xuntos o reto demográfico”.

Neste mesmo sentido, o alcalde da Veiga dixo que o “protagonismo desta iniciativa é todo para a mocidade da Veiga de “Espazo Carrilano” por ser os promotores absolutos desta idea, que demostra o arraigo que senten todos eles polo noso pobo e, por elo, son un exemplo claro de que se hai más persoas coma eles, hai máis pobos vivos”.

Así mesmo, Juan Anta convidou a todo o mundo (amateur e profesionais) a participar nesta primeira edición e lembrou que “todo aquel que veña a A Veiga por este motivo terá a oportunidade de gozar dun plan perfecto de fin de semana grazas á variada oferta turística que van atopar no noso territorio”.

I edición da “Gran Carreira de Carrilanas”

Paralelamente á propia carreira, o evento comezará cunha serie de obradoiros centrados na construción das carrilanas, dirixidos, fundamentalmente, á xente do municipio, explicou Marcos Porto. E, o vindeiro 8 de outubro, celebrarase a carreira propiamente de carrilanas, aberta a todo o público. A carreira terá dúas fases: a primeira será a fase sen federar pensada para correr dunha maneira máis informal, aínda que a organización ofrece a posibilidade de poder competir por unha serie de premios; e a segunda fase da carreira será federada, onde pilotos con máis experiencia competirán de maneira oficial no Campionato Galego, explicou Marcos Porto.

Neste momento, “contamos xa con 7 equipos na modalidade amateur, incluso sen haber comezado a divulgar o evento, polo que esperamos contar na primeira fase con 10-12 equipos nesta fase, e na parte competitiva podemos ter unha vintena de equipos federados porque é afluencia que soen ter este tipo de eventos”, sinalou Marcos Porto.

“A finalidade principal de todo o evento é crear movemento no municipio e atraer ao mesmo tempo xente doutros lugares, xa que como acontece en moitos outros sitios do rural a afluencia de visitantes baixa, polo que con este tipo de eventos logramos darlle máis vida ao noso pobo”, engadiu o representante de “Espazo Carrilano”.

Relacionadas

Carmela Silva reclama no Congreso de Rota a recuperación da Axenda Feminista:” que a...

0
“O mundo local somos o reduto do feminismo activo e temos que esixir ás administracións públicas a recuperación da Axenda das Mulleres” A presidenta da...

As escavacións de Santa Clara sacan á luz restos da Panda Oeste do Claustro...

0
Os traballos tamén revelaron a existencia de aperturas abucinadas, probablemente defensivas, no muro interno paralelo ao de Barcelos Unha vez que este mes rematen as...

O proxecto ESTRAEE da Deputación, exemplo de boas prácticas no Congreso Nacional de Residuos...

0
O encontro reuniu a máis de 300 profesionais da reciclaxe que puideron coñecer este programa europeo, orientado a poñer en marcha unha estratexia sostible...

A carreira popular da Ponte requirirá pechar ao tráfico varias rúas do barrio o...

0
O Concello solicita desculpas polas molestias que poida ocasionar e proba e solicita que se utilicen itinerarios alternativos de tráfico A celebración da Carreira da...

O Concello instalará un sistema de cámaras para controlar o acceso de vehículos ao...

0
Tamén instalará cámaras de control de tráfico en rotondas e radares de control de velocidade A xunta de gobernó aprobou o expediente para contratar estas...

O Concello abre o luns o prazo de inscrición nas actividades infantís dos centros...

0
De luns a venres polas tardes e os sábados pola mañá Tamén haberá clases de reforzo no centro cívico de Colón O Concello de Ourense abrirá...

Publicacións Relacionadas