A vicepresidenta primeira e responsable das áreas de Economía e Impulso ao Emprego da Deputación de Pontevedra, Luisa Sánchez, asistiu hoxe á inauguración do Centro de Ciberseguridade de Telefónica en Vigo. Durante o acto tivo a oportunidade de coñecer este Centro de Talento e Tecnoloxía da man do presidente de Telefónica España, Emilio Gayo, e xunto a outras autoridades entre as que se atopaba o presidente da Xunta de Galicia, Alfonso Rueda.