A vicepresidenta Luisa Sánchez asiste ao acto de entrega do VII Premio de Deseño ANFACO

A vicepresidenta da Deputación de Pontevedra, Luisa Sánchez, asistiu este venres ao acto de entrega do VII Premio de Deseño ANFACO, que recaeu na graduada en Deseño Multimedia e Gráfico Xiang Soto Reznak. Este concurso, organizado por ANFACO-CYTMA coa colaboración da Fundación Banco Sabadell, selecciona novas promesas do deseño para a creación dun packaging que se utilizará nos estoxos de latas da campaña “Cata la Lata” para a promoción do consumo de conservas de peixe e marisco.