Home Ourense A Limia Alimagro volverá a ser o escaparate do sector agrario en Xinzo de...

Alimagro volverá a ser o escaparate do sector agrario en Xinzo de Limia

- Anuncio -

A IV edición deste evento amosará, do 1 ao 3 de setembro, as novidades sobre o cultivo da pataca e da maquinaria agrícola reforzando “o papel de Xinzo e da comarca, como unha das principais zonas de referencia do sector primario na provincia de Ourense e en Galicia, tanto polo tecido produtivo como polo seu impacto económico”, destacou o presidente do Inorde

A principal novidade deste ano é a xornada técnica da pataca dirixida a profesionais que está organizada polo medio de comunicación Campo xunto co Concello de Xinzo

A IV edición de Alimagro volverá a ser o escaparate do sector agrario en Xinzo de Limia, do 1 ao 3 de setembro, amosando as novidades sobre o cultivo da pataca e da maquinaria agrícola. A presentación deste evento tivo lugar hoxe na sala de prensa do Pazo Provincial, acto no que participou o presidente do Inorde e deputado provincial de Representación Institucional, Rosendo Fernández; o delegado territorial da Xunta en Ourense, Gabriel Alén; o alcalde de Xinzo de Limia, Amador Díaz; e o director do medio de comunicación Campo, Máximo Gómez.

Esta feira, organizada polo Concello de Xinzo de Limia coa colaboración da Deputación de Ourense, a Xunta de Galicia, o Consello Regulador da Indicación Xeográfica Protexida da Pataca de Galicia, o Inorde, AGACAL e Coren, reforzará “o papel de Xinzo e da comarca, como unha das principais zonas de referencia do sector primario na provincia de Ourense e en Galicia, tanto polo tecido produtivo como polo seu impacto económico”, destacou o presidente do Inorde.

O traballo conxunto entre institucións públicas e privadas “fan posible desenvolver proxectos como Alimagro que este ano chega a súa cuarta edición sendo un espazo fundamental para promocionar a calidade dun dos principais produtos cabeceira da nosa enogastronomía”, salientou Rosendo Fernández. O obxectivo desta feira, ademais de servir de escaparate para todo o sector da pataca de España e Portugal, é reforzar o vínculo entre produtores de semente, cultivadores e operadores de toda a Península.

Neste sentido, Rosendo Fernández lembrou o compromiso da Deputación de Ourense a prol do sector primario que se materializa diariamente co apoio e asesoramento aos agricultores da provincia a través do Centro de Desenvolvemento Agrogandeiro que, un ano máis, estará co seu propio stand na feira.

A feira, que ten vocación de converterse nun referente nacional, divídese en dous espazos: no pavillón de deportes estará a sede da feira da pataca, e no parque do Toural en Xinzo estarán expostas as novidades da maquinaria. Unha das novidades deste ano, será a celebración dunha xornada técnica da pataca dirixida a profesionais, que terá lugar o venres, 1 de setembro. A iniciativa, organizada por Campo xunto co Concello de Xinzo, analizará o sector da pataca desde un punto de vista agronómico, afondando en cuestións como a importancia da dixitalización e a aposta pola tecnoloxía na rendibilidade das explotacións, ademais de destacar a importancia do cultivo da pataca para a economía e a sociedade.

Ademais, co obxectivo de reforzar os vínculos comerciais e humanos, a feira contará cun acto de irmandade de localidades hispanolusas nas que a pataca ten unha relevancia especial que amosará a necesidade da unión do sector agrario para facer fronte aos desafíos comúns do mesmo. Dito acto terá lugar o vindeiro xoves, 31 de agosto, a partir das 21.00 horas, na Casa do Concello de Xinzo.

Relacionadas

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

A Deputación inviste 790.000 euros na mellora da seguridade viaria da estrada provincial EP-2703...

0
A deputada de Infraestruturas Públicas, Isabel Couselo, percorreu tramos desta estrada provincial xunto coa alcaldesa de Ponteareas e tamén deputada provincial, Nava Castro, para...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Luisa Sánchez anima a cidadanía a participar na II Andaina do Maúxo organizada pola...

0
A vicepresidenta da Deputación de Pontevedra, Luisa Sánchez, participou este martes na Alameda de Vigo na presentación da II Andaina do Maúxo, que organiza...

Isabel Couselo reúnese con Patrimonio da Xunta de Galicia para avanzar en proxectos en...

0
A deputada de Infraestruturas Públicas, Mobilidade e Contratación Isabel Couselo acaba de reunirse no edificio da Xunta de Galicia de Pontevedra con responsables e...

A Deputación esgota as prazas para a nova xeira de visitas guiadas ao convento...

0
En menos de dous minutos cubríronse as 120 prazas dispoñibles para as visitas, que terán lugar os días 7, 8, 15, 16, 22 e...

Publicacións Relacionadas