Home Deputacións Deputación Ourense Concello, Deputación e centro asociado da UNED avanzan no traslado da institución...

Concello, Deputación e centro asociado da UNED avanzan no traslado da institución formativa á antiga prisión provincial

- Anuncio -

A xunta reitora do Consorcio do centro ourensán, na que participan as tres entidades, aprobou por unanimidade a proposta do Concello, que se materializará na sinatura dun protocolo de colaboración

Concello de Ourense, Deputación Provincial e o centro asociado da UNED en Ourense avanzan no traslado do centro educativo ao edificio da antiga prisión provincial da rúa Progreso. O tenente de alcalde do Concello de Ourense, Armando Ojea, participou esta tarde na reunión da xunta reitora do Consorcio do Centro Asociado á UNED en Ourense que se celebrou na Sala de xuntas do Pazo Provincial, na que se deu conta da proposta realizada polo Concello para que o centro ourensán, actualmente nos baixos das torres do Pino, na estrada de Vigo, se traslade ao edificio da antiga prisión provincial, no número 45 da rúa Progreso, do que o Concello de Ourense é titular.

A xunta reitora, na que participan as tres entidades, deu o visto bo á proposta, que se plasmará nun protocolo de colaboración entre as tres entidades para levar a cabo o proxecto. “O máis importante é que temos un acordo para o traslado, que conta co apoio unánime de Concello, Deputación e a UNED, cun texto que debe ser pulido en detalles pero que en esencia supón unha declaración de intencións de todas as partes para que poida levarse a cabo”, explicou o tenente de alcalde ao remate da sesión.

O edificio da rúa do Progreso é un inmoble cunha superficie útil de máis de 2.000 metros cadrados, cuxo estado de conservación fai necesaria unha rehabilitación integral. O Concello ten previsto solicitar unha subvención para esta intervención con cargo ao Programa de impulso á rehabilitación de edificios públicos da Administración Local (PIREP).

De acordo co borrador de protocolo de colaboración do que se deu conta esta tarde o Concello licitará o proxecto básico e de execución das actuacións. O importe da redacción de proxectos técnicos e da execución das obras, descontando as axudas recibidas, repartirase equitativamente entre as 3 partes actuantes.

O Concello comprométese a ceder o uso do edificio e a súa parcela á UNED durante o tempo que dure o uso docente previsto.

Relacionadas

A Deputación de Pontevedra exemplo de bos prácticas en Albacete na reunión da Rede...

0
Carmela Silva participou na primeira Mesa de Diálogo para explicar a acción transversal dos ODS en todas as políticas da Deputación que a converten...

Manuel Baltar reivindica o legado de Delgado Gurriarán e pide seguir traballando a prol...

0
O presidente da Deputación interveu esta mañá no acto das Letras Galegas 2022 para homenaxear ao intelectual de Córgomo, un autor que abarca na...

A afluencia de público ao concerto da Panorama superou as previsións e fixo necesario...

0
A afluencia de público ao concerto da orquestra Panorama onte á noite, no marco das Festas do Couto superou as previsións tanto da comisión...

O PP reclama melloras de accesibilidade á terminal e á plataforma da estación “Porta...

0
• Os deputados Celso Delgado e Ana Vázquez piden o Adif a continuidade da senda peonil construída pola Xunta e que parte do casco...

O Concello abre o prazo para solicitar o uso dos hortos municipais de Montealegre...

0
O Concello pón á disposición da cidadanía 68 hortos, dos que 7 se reservan a persoas con mobilidade reducida, que se adxudicarán nun sorteo...

As maiores referentes do feminismo do Estado estarán na Escola María Vinyals no II...

0
O Castelo de Soutomaior acollerá os días 1 e 2 de xuño este simposio, que xunto á iniciativa Canteira de Igualdade e a formación...

Publicacións Relacionadas