O presidente provincial, Luis Menor, mantivo un encontro de traballo coa directiva da Asociación de Empresarios de Valdeorras, destacando “o dinamismo” deste colectivo que abarca ata 9 sectores empresariais diferentes
O presidente provincial, Luis Menor, mantivo un encontro de traballo coa presidenta e a xerente da Asociación de Empresarios de Valdeorras (AEVA), Araceli Fernández e Teresa García, respectivamente. Na reunión abordouse o traballo que desenvolve este colectivo, que solicitou a colaboración da Deputación para continuar coa súa actividade.
A petición da Deputación, AEVA intensificará o seu carácter comarcal, dado que é unha asociación radicada no Barco pero que estende a súa actividade a toda a comarca, “e sirve para axudar a diferentes sectores dentro dun territorio tan dinámico como é o de Valdeorras”, explicou Luis Menor.
De feito, na reunión analizouse toda a actividade que a AEVA leva a cabo na defensa dos intereses dos empresarios da comarca, quedando de manifesto a ampla implantación que ten en Valdeorras, con máis de 200 asociados pertencentes a 9 sectores diferente, abarcando practicamente todos os ámbitos da actividade empresarial, como son a lousa, o comercio e a hostalería, entre outros.
