Jorge Cubela visita as instalacións do Lalín Arena que acollerán este sábado a Gala dos Premios Mestre Mateo 2025

O deputado de Cultura e o alcalde Pepe Crespo acaban de realizar un percorrido polas instalacións do Lalín Arena onde este sábado se desenvolverá a Gala de entrega dos Premios Mestre Mateo 2025. Trátase da cita máis importante do audiovisual galego, na que se recoñecerán as mellores producións do ano 2024 e que este ano se celebra por vez primeira na súa historia en Lalín grazas ao impulso da Deputación de Pontevedra.