O presidente da Deputación de Pontevedra, Luis López, amosa o apoio da Deputación á Festa da Vieira de Cambados, que celebra esta fin de semana a súa edición número vinte un e conta coa colaboración do organismo provincial a través do programa Culturea. No seu despacho do Pazo provincial, o presidente López recibiu ao patrón maior da Confraría de Pescadores de Cambados, Alejandro Pérez, entidade organizadora dun evento que consolida ás Rías Baixas como un destino turístico ligado á gastronomía e aos produtos do mar.
En Cambados, participaron na campaña deste ano 50 embarcacións e preto de 150 mariñeiros para levar ao mercado un produto de calidade coma a vieira das Rías Baixas.
