Luis López participa na entrega dos premios do Arousa Fútbol 7, a cita máis agardada e internacional de cada verán do fútbol base da provincia

O presidente da Deputación de Pontevedra, Luis López, vén de participar este domingo, nas instalacións deportivas da Senra, en Ribadumia, na entrega de premios do torneo de fútbol base máis internacional e agardado da provincia: o Arousa Fútbol 7. Unha cita que atrae cada ano á comarca do Salnés ás mellores canteiras futbolísticas do mundo e que consolida á provincia como un destino turístico ligado ao deporte.