Home Deputacións Deputación Ourense Luis Menor avoga por coordinar esforzos entre as deputacións de Ourense e...

Luis Menor avoga por coordinar esforzos entre as deputacións de Ourense e Zamora que “inclinen a balanza dos peregrinos polo Camiño Mozárabe”

- Anuncio -

O presidente provincial lanzou esta proposta en Benavente durante a apertura dun ciclo de conferencias organizado pola UNED de Zamora e Ourense para promocionar o tamén chamado Camiño Meridional

Para Menor, compartir entre Zamora e Ourense ese “factor diferencial” que supón o AVE e unha ruta de peregrinación pon encima da mesa novas oportunidades de cooperación “que creo deberíamos explorar”

A UNED de Ourense e Zamora organizan un ciclo de seis conferencias iniciado esta tarde na Casa da Cultura de Benavente cun relatorio do catedrático ourensán Jesús de Juana

O presidente da Deputación, Luis Menor, avogou hoxe por coordinar esforzos e iniciativas entre as deputacións de Ourense e Zamora que “inclinen a balanza dos peregrinos polo Camiño Mozárabe”, contribuíndo a poñer en valor “unha ruta xacobea que nos une”.

Luis Menor lanzou esta proposta en Benavente durante a súa intervención na apertura dun ciclo de conferencias organizado pola UNED de Zamora e Ourense para promocionar este camiño de peregrinación e que tivo como primeiro relator ao catedrático e historiador ourensán Jesús de Juana. 

Desde as deputacións “valorizamos os nosos territorios, de tal xeito que vertebrar esa posta en valor, ampliando o radio de cooperación, aporta un efecto multiplicador a todos os esforzos e políticas que poñamos en marcha”, engadiu o presidente provincial.

Para Luis Menor, o feito de compartir entre Zamora e Ourense ese “factor diferencial” que supón o AVE e unha ruta de peregrinación como o Camiño Meridional –Camiño Mozárabe ou Vía da Prata- pon encima da mesa novas oportunidades de cooperación na promoción deste camiño, “oportunidades que creo deberíamos explorar”.

Menor aproveitou a ocasión para demostrar o compromiso da Deputación de Ourense co Camiño Mozárabe, explicando a campaña de promoción desenvolvida esta Semana Santa ou as accións que se deseñarán en combinación coa alta velocidade desde a estación da Gudiña, impulsando xa nesta primavera contactos con diferentes asociacións e cos alcaldes dos municipios polos que discorre a Vía da Prata.

Seis conferencias entre Zamora e Ourense

A UNED de Ourense e Zamora organizan o ciclo de seis conferencias iniciado esta tarde na Casa da Cultura de Benavente, en cuxa apertura tamén interviñeron o presidente da Deputación de Zamora, Javier Faúndez; a alcaldesa da localidade, Beatriz Asensio; e o director do centro universitario en Ourense, Jesús Manuel García, en nome tamén do responsable do centro zamorano.

Logo da conferencia de Jesús de Juana titulada La creación de Santiago como punto de peregrinación de la cristiandad occidental, o ciclo terá a súa continuación en Rionegro del Puente, Pobra de Sanabria, Verín, Allariz e Ourense, onde rematará unha iniciativa na que están inscritas 215 persoas procedentes de cinco países: Rusia, Estados Unidos, Francia e Países Baixos, ademais de España con representantes de trece comunidades autónomas.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A deputada Isabel Couselo supervisa en Portas as obras na EP-8004 Caldas-Vilanoviña, nas que...

0
Na súa visita percorreu xunto co alcalde de Portas, Ricardo Martínez, un tramo no que se están a executar as obras de renovación de...

A Deputación de Pontevedra aconsella tratar as camelias ante os pulgóns e o ácaro...

0
A Estación Fitopatolóxica de Areeiro recomenda manter a vixilancia ante o mildio nas viñas, así como revisar os buxos por se se precisa tratar...

Luis López anuncia a aprobación do novo Plan Director de Sobroso, con 1,5 millóns...

0
O proxecto recolle actuacións en materia de accesibilidade, iluminación, novos equipamentos ou deseño de actividades complementarias, entre outras A Xunta de Goberno da Deputación aprobou...

Publicacións Relacionadas