O presidente Deputación de Ourense deu conta pola súa banda dos avances no “programa de respiro” para persoas maiores que sufriron as consecuencias da DINA na comunidade valenciana, iniciativa moi ben recibida polos membros da rede
O presidente da Deputación de Ourense, Luis Menor, presidiu esta mañá a reunión do Consello de Goberno da Rede de Vilas Termais da Federación de Municipios e Provincias de España (FEMP), organismo que preside no actual mandato.
Entre os temas tratados no encontro, que se celebrou por vía telemática, Luis Menor destacou as peticións de información formuladas por varias entidades locais e deputacións para interesarse polas condicións de admisión na rede, “o que entendemos suporá novas incorporacións a este órgano da FEMP, que tanta importancia ten para a nosa provincia polo potencial que temos neste ámbito”.
O presidente da Rede de Vilas Termais e da Deputación de Ourense deu conta pola súa banda dos avances no “programa de respiro” para persoas maiores que sufriron as consecuencias da DINA na comunidade valenciana, iniciativa moi ben recibida polos membros da rede.
A reunión tamén serviu para analizar e avaliar os traballos que se está a facer neste primeiro ano de mandato, en particular no desenvolvemento do convenio de experiencias de turismo de España; a búsqueda de novos acordos con Turespaña para mellorar o posicionamento internacional da nosa oferta termal; e a participación en Termatalia foron outros dos asuntos abordas na reunión.
Por último acordouse que a próxima asemblea e terceiro encontro da Rede de Vilas Termais celebrarase na localidade salmantina de Vega de Tirados cara finais de outubro deste ano.
