Luis Menor recibiu no Pazo Provincial ao delegado territorial do Executivo galego en Ourense, Gabriel Alén, coa fin de manter e reforzar a estreita colaboración entre ambas administracións, clave para o desenvolvemento da provincia
“O diálogo e o excelente entendemento e sintonía entre Deputación e Xunta de Galicia son e serán os alicerces sobre os que seguiremos a construir unha cooperación leal, reforzada e baseada en dar as mellores respostas ás necesidades dos veciños de toda a provincia de Ourense”, sinalou o presidente provincial
O Pazo Provincial albergou esta mañá a primeira visita institucional do delegado territorial da Xunta de Galicia en Ourense, Gabriel Alén, ao presidente da Deputación, Luis Menor. Ambos trasladaron a súa vontade de manter e reforzar a estreita colaboración existente entre ambas administracións, algo que é clave para o desenvolvemento da provincia.
“O diálogo e o excelente entendemento e sintonía entre Deputación Provincial e Xunta de Galicia son e serán os alicerces sobre os que seguiremos a construir unha cooperación leal, reforzada e baseada en dar as mellores respostas ás necesidades dos veciños de toda a provincia de Ourense”, sinalou o presidente provincial, Luis Menor, quen agradeceu a boa e proactiva disposición do Goberno galego en atender todas as demandas que son trasladadas desde a Deputación Provincial.
O presidente da Deputación de Ourense e o delegado territorial da Xunta de Galicia analizaron durante o seu encontro de traballo as principais demandas do ente supramunicipal en relación á Administración Autonómica e fixeron un minucioso repaso aos proxectos e necesidades que teñen na cooperación entre ambas institucións as súas respostas fundamentais.
