Home Deputacións Deputación Ourense Luis Menor participou no acto institucional do Día da Merced no Centro...

Luis Menor participou no acto institucional do Día da Merced no Centro Penitenciario de Pereiro de Aguiar

- Anuncio -

O presidente provincial, que tralo remate do acto, alabou o traballo dos profesionais implicados a prol de ofrecer novas oportunidades de inserción social aos internos, entregou diversos recoñecementos e mencións honoríficas

Con motivo do Día da Merced, patroa das institucións penitenciarias, o presidente provincial, Luis Menor, participou no acto institucional que cada ano organiza o centro penitenciario de Pereiro de Aguiar, e que contou tamén cunha representación da Real Banda de Gaitas da Deputación de Ourense.

Luis Menor entregou varios recoñecementos, entre eles diplomas a internos; ao Mérito Social ao comandante da Garda Civil de Ourense, Rodrigo García; mencións honoríficas a funcionarios; e un recoñecemento especial á Federación de Familiares e Persoas con Enfermidade Mental.

Ao remate do acto, Luis Menor destacou o labor fundamental que os profesionais dos máis diversos ámbitos desempregan no seu día a día para ofrecer unha nova oportunidade de inserción social aos internos. Apuntou tamén que a Deputación de Ourense ten abertas as portas á colaboración, destacando así as palabras do director do centro nas que anunciou a proxección, no mesmo salón no que se desenvolveu o acto de hoxe, dunha das películas programadas no Festival de Cine de Ourense: Honeymoon, do director Enrique Otero. Está programada dentro do 28º OUFF na Sección Oficial Internacional a concurso. A proxección será o vindeiro 2 de outubro ás 11.00 horas e contará con presentación e coloquio posterior, onde estarán o director, Enrique Otero, e o actor protagonista, Javier Gutiérrez.

O acto contou coa presenza do presidente da Audiencia de Ourense, Antonio Piña; a fiscala xefa da Audiencia, Eva Regueiro; o subdelegado do Goberno, Emilio González Afonso; o director do centro penitenciario, Francisco González; o delegado territorial da Xunta, Gabriel Alén; e o concelleiro de Pereiro de Aguiar, Manuel Doval. Tamén asistiron representantes institucionais, da administración de Xustiza, dos corpos e forzas de seguridade do Estado e de entidades sociais que colaboran co centro penitenciario, pola súa importancia de apoio a través do voluntariado.

Relacionadas

Trescentos deportistas participarán o domingo no Descenso do Miño, organizado polo Club Piragüismo Ourense...

0
Trescentos deportistas participarán o vindeiro domingo, 16 de xuño, na edición número 55 do Descenso do Miño, que converterá un ano máis a cidade...

Luis Menor presenta a súa candidatura á presidencia do Partido Popular de Ourense para...

0
· O candidato afirma que chegou o momento de seguir dando “novos pasos, en firme, con decisión, pero sen perder nunca a humildade”, e...

A Xunta de Local aprobou 20 acordos na súa sesión ordinaria desta semana

0
A Xunta de Goberno Local do Concello de Ourense aprobou 20 acordos na súa sesión ordinaria desta semana, que tivo lugar esta mañá no...

O convenio de Xantar na Casa e o expediente de contratación das luces de...

0
A Comisión de Pleno do Concello de Ourense ditaminou favorablemente, en sesión extraordinaria celebrada esta mañá, dous expedientes que o goberno municipal presentará a...

A Concellería de Igualdade organiza unha nova edición do programa de conciliación de verán...

0
A Concellería de Igualdade do Concello de Ourense organiza unha nova edición do programa de actividades de conciliación de verán “Espazo coeduca”, para nenas...

A rúa Cervantes estará pechada ao tráfico mañá, xoves, 13, de 10.00 a 18.00...

0
A Policía Local do Concello de Ourense informa de que a rúa Cervantes, no Centro Histórico, estará pechada ao tráfico mañá, xoves, día 13...

Publicacións Relacionadas