Luisa Sánchez salienta a aposta do Festival MusicaV por “achegar a música clásica e o jazz a distintos públicos nunha cidade que precisa propostas culturais de calidade”
A vicepresidenta da Deputación de Pontevedra, Luisa Sánchez, valorou positivamente a aposta do Festival MusicaV por “achegar a música clásica e o jazz a distintos públicos nunha cidade que precisa propostas culturais de calidade”. Así o expuxo a representante provincial tras o “concerto espontáneo” que ofreceu este martes o compositor e pianista Brais González para anunciar que o evento celebrará unha terceira edición.
