Home Deputacións Deputación Ourense Manuel Baltar agradece o recoñecemento da FEMP por converter Ourense o próximo...

Manuel Baltar agradece o recoñecemento da FEMP por converter Ourense o próximo 6 de febreiro “na capital dos gobernos provinciais de España”

- Anuncio -

Tras participar esta mañá na Xunta Directiva da FEMP, o presidente da Deputación declarou que a reunión en Ourense da Comisión de Deputacións Provinciais, Cabildos e Consellos Insulares “pon en valor o traballo que estamos a facer desde o goberno provincial, con fitos importantes que falan de nós como exemplo anticipación, planificación e rigorosidade na xestión”

Manuel Baltar adianta que na convocatoria de Ourense “falarase en liñas xerais dos retos que afrontarán os gobernos locais con vistas ao novo mandato no período 2023-2027”, poñendo énfase na palabra cooperación co resto das escalas de goberno -supramunicipal, provincial, autonómica e nacional-

O presidente da Deputación de Ourense, Manuel Baltar, participou esta mañá por vía telemática na Xunta Directiva da Federación Española de Municipios e Provincias (FEMP), que na súa primeira reunión do ano repasou, entre outras cuestións, a situación do mundo local.

Ao remate da convocatoria, Manuel Baltar agradeceu o recoñecemento da federación por converter a Ourense “na capital dos gobernos provinciais de España”, en referencia ao encontro que o próximo 6 de febreiro celebrará por primeira vez na capital ourensá a Comisión de Deputacións Provinciais, Cabildos e Consellos Insulares da FEMP.

Manuel Baltar explica que a elección de Ourense como sede desta reunión “pon en valor o traballo que estamos a facer desde o goberno provincial, con fitos tan importantes como o liderado en transparencia, a consecución da débeda cero ou ser a primeira administración pública de España en aprobar os orzamentos do seguinte exercicio, o que fala de nós como exemplo anticipación, planificación e rigorosidade na xestión”.

O presidente da Deputación adianta que na convocatoria de Ourense “falarase en liñas xerais dos retos que afrontarán os gobernos locais con vistas ao novo mandato no período 2023-2027”, poñendo énfase na palabra cooperación. “A colaboración institucional co resto das escalas de goberno –supramunicipal, provincial, autonómica e nacional- é un dos asuntos que temos que abordar como eixo básico no mundo da xestión pública”, afirma Manuel Baltar.

A reunión en Ourense da Comisión de Deputacións Provinciais, Cabildos e Consellos Insulares da FEMP, a última en celebrarse antes das eleccións municipais do 28 de maio, parte dunha proposta do presidente da Deputación que foi ratificada no encontro que este órgano mantivo en outubro pasado en Cáceres.

A cita do 6 de febreiro comezará no Pazo Provincial coas reunións preparatorias dos grupos, continuando ao mediodía no Centro Cultural Marcos Valcárcel onde se celebrará o plenario, do que forman parte medio centenar de presidentes provinciais.

Fondos europeos, accións internacionais e convenios co Goberno español

A convocatoria ordinaria de xaneiro da Xunta Directiva da FEMP, celebrada esta mañá en Toledo, incluíu na orde do día asuntos referidos ás actuacións da federación sobre os fondos europeos Next Generation, o repaso ás accións desenvolvidas no ámbito internacional, convenios asinados co Goberno español e outras entidades e unha proposta de declaración institucional para o próximo 8 de marzo, Día Internacional da muller.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

A nova liña 6 de autobuses urbanos entrará en servizo o vindeiro luns, con...

0
Cruzará a cidade de Norte a Sur e unirá puntos clave como a estación intermodal, O Couto Norte, centro cidade, residencia e Barrocás O Pavillón...

Luis López anuncia un investimento de 1,5 millóns de euros en tres anos no...

0
O presidente provincial, acompañado pola deputada de Turismo, Nava Castro, detallou o contido dun plan que contempla a renaturalización da contorna, o deseño de...

A Deputación aproba máis de 100.000 euros para realizar melloras nas infraestruturas deportivas da...

0
O Plan Extraordinario de Infraestruturas Deportivas xa mobilizou máis de 930.000 euros entre os concellos da provincia A Deputación de Pontevedra acaba de aprobar axudas...

Publicacións Relacionadas