Home Ourense A Limia Manuel Baltar e o alcalde de Trasmiras asinan o protocolo de colaboración...

Manuel Baltar e o alcalde de Trasmiras asinan o protocolo de colaboración para construír a residencia de maiores deste concello

- Anuncio -

O presidente da Deputación reuniuse esta mañá co rexedor e un grupo de veciños no Concello de Trasmiras para blindar o compromiso do goberno provincial con este equipamento, realizado a través do esforzo público-privado e orzamentado nun total de 2.197.487,50 euros

A Deputación, garante Manuel Baltar, “empregará todo o seu músculo financeiro para levar a cabo esta residencia, que atenderá a máis de medio centenar de maiores e creará emprego, repercutindo no benestar e o desenvolvemento de Trasmiras”

“Emilio Pazos marcou como prioritario dotar ao seu concello deste servizo, sendo quen de tecer acordos coa administración provincial e a autonómica para levar a cabo unha iniciativa estratéxica”, destaca o presidente da Deputación

O alcalde de Trasmiras define a residencia de maiores como “un dos proxectos polos que máis temos loitado para que sexa realidade no menor tempo posible tanto o grupo de goberno coma parte da oposición e veciños. E este obxectivo sería imposible sen a Deputación”

O presidente da Deputación, Manuel Baltar, e o alcalde de Trasmiras, Emilio Pazos, asinaron esta mañá na Casa do Concello de Trasmiras o protocolo de colaboración polo que a Deputación cofinanciará a residencia de maiores deste concello.

O compromiso asinado esta mañá por Manuel Baltar e Emilio Pazos blinda a colaboración da Deputación na construción da residencia de maiores, cofinanciándoa xunto á Xunta de Galicia na súa parte pública -cifrada en 750.000 euros-. A empresa que resulte adxudicataria no concurso público terá que asumir posteriormente a outra parte do proxecto, orzamentado nun total de 2.197.487,50 euros.

Despois da reunión, celebrada en presenza dun grupo de veciños, o presidente do goberno provincial puxo en valor a importancia de “asumir este compromiso para construír unha infraestrutura longamente demandada e que será realizada de acordo cos veciños”. A Deputación, garante Manuel Baltar, “empregará todo o seu músculo financeiro para levar a cabo esta residencia, que poderá atender a máis de medio centenar de maiores e creará emprego, repercutindo no benestar e o desenvolvemento de Trasmiras”.

Manuel Baltar destaca o traballo realizado neste proxecto polo rexedor: “Emilio Pazos marcou como prioritario dotar ao seu concello deste servizo, sendo quen de tecer acordos coa administración provincial e a autonómica para levar a cabo unha iniciativa estratéxica, e na que, sen dúbida, contará con todo o respaldo da Deputación”.

Pola súa banda, o alcalde de Trasmiras agradeceu “o apoio incondicional do presidente da Deputación” e definiu á residencia de maiores como “un dos proxectos polos que máis temos loitado para que sexa unha realidade no menor tempo posible tanto o grupo de goberno coma parte da oposición e veciños”. E este obxectivo, sinalou Emilio Pazos, “sen a Deputación sería imposible”.

Relacionadas

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

A Deputación inviste 790.000 euros na mellora da seguridade viaria da estrada provincial EP-2703...

0
A deputada de Infraestruturas Públicas, Isabel Couselo, percorreu tramos desta estrada provincial xunto coa alcaldesa de Ponteareas e tamén deputada provincial, Nava Castro, para...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Luisa Sánchez anima a cidadanía a participar na II Andaina do Maúxo organizada pola...

0
A vicepresidenta da Deputación de Pontevedra, Luisa Sánchez, participou este martes na Alameda de Vigo na presentación da II Andaina do Maúxo, que organiza...

Isabel Couselo reúnese con Patrimonio da Xunta de Galicia para avanzar en proxectos en...

0
A deputada de Infraestruturas Públicas, Mobilidade e Contratación Isabel Couselo acaba de reunirse no edificio da Xunta de Galicia de Pontevedra con responsables e...

A Deputación esgota as prazas para a nova xeira de visitas guiadas ao convento...

0
En menos de dous minutos cubríronse as 120 prazas dispoñibles para as visitas, que terán lugar os días 7, 8, 15, 16, 22 e...

Publicacións Relacionadas