Home Deputacións Deputación Ourense O Pacto Social de AquaOurense presenta iniciativas concretas para mellorar a inclusión,...

O Pacto Social de AquaOurense presenta iniciativas concretas para mellorar a inclusión, a accesibilidade e o emprego na provincia

- Anuncio -

As entidades da mesa de traballo de Solidariedade e Emprego poñeron esta mañá en común propostas sobre formación, accesibilidade universal, concienciación medioambiental ou relativas á contratación pública

Estas iniciativas pasarán proximamente polo comité executivo do Pacto Social de AquaOurense para a súa aprobación e planificación

Na reunión celebrada no Salón de Plenos do Pazo Provincial participaron actores principais do armazón social ourensán coma a ONCE, Cruz Vermella, Cegasal, a Universidade de Vigo, a Deputación, AquaOurense ou Viaqua

O Salón de Plenos da Deputación de Ourense acolleu esta mañá a celebración dunha mesa de traballo de Solidariedade e Emprego do Pacto Social AquaOurense, na que participaron algunhas das principais entidades do armazón social da provincia.

Na reunión participaron por parte da Deputación de Ourense a deputada Luz Doporto, Javier Bobe, María Sabas, Luis Viejo e Ángeles Cantón; o director da ONCE en Ourense, Jesús Sánchez; Ángela Ramallo e Marisa López de Cruz Vermella; a vicerreitora do Campus de Ourense, Elena Rivo, e o profesor Alberto Vaquero; María Seoane por parte de Cegasal; Ana Teijeiro, Leticia Rodríguez e Sonia Delpont, de Viaqua e Víctor Comesaña por parte de AquaOurense.

O Pacto Social, promovido por AquaOurense, a empresa mixta formada pola Deputación de Ourense e por Viaqua, ten como obxectivo dar resposta aos novos retos sociais e económicos derivados da crise sanitaria e da crise climática, apostando pola solidariedade, o emprego de calidade e a reconstrución verde na provincia de Ourense. O tecido empresarial e social de Ourense xoga un papel fundamental no Pacto Social, a través da cooperación e o diálogo que se está levando a cabo a través da celebración de mesas de traballo.

Despois de varios meses de diálogo e traballo entre as distintas entidades que forman o Pacto Social, celebrouse unha mesa de traballo centrada en accións do eixo Solidariedade e Emprego, onde se presentaron iniciativas dende os diferentes prismas.

AquaOurense propuxo a formación sobre o ciclo integral da auga para persoal de mantemento das entidades locais, coa finalidade de realizar unha formación continua e programada para o persoal encargado do ciclo da auga.

A ONCE presentou a iniciativa de accesibilidade universal en instalacións públicas. Propoñendo eliminar as barreiras de accesibilidade, co obxectivo de facer a vida das persoas máis autónoma e digna, fomentando a súa inclusión social en igualdade de condicións.

Por parte de Cruz Vermella, falaron da necesidade de sensibilizar á cidadanía no ciclo integral da auga. O fin desta iniciativa é concienciar á poboación do valor da auga e a importancia de realizar un consumo responsable da mesma. Para iso, debido a situación de seca da provincia, xa se está a poñer en marcha, da man de AquaOurense e da Deputación de Ourense, unha campaña con consellos sobre como facer un uso responsable da auga no fogar. A finalidade deste proxecto é chegar ao público xeral con estas campañas e aos máis cativos a través de diferentes obradoiros que levarán a cabo persoal voluntario de Cruz Vermella e AquaOurense en centros escolares do rural.

Por último, Cegasal propuxo fomentar a inclusión en licitacións públicas a través de formación e sensibilización sobre cláusulas sociais na contratación, cun acordo de reserva de mercado ao Centros Especiais de Emprego de Iniciativa Social (CEEIS) nas entidades locais e coa contratación de persoas con discapacidade.

Traballar de forma conxunta

Todas as entidades participantes compartiron a necesidade de traballar de forma conxunta en detectar as necesidades locais e en desenvolver as iniciativas presentadas esta mañá co fin de mellorar o emprego de calidade na provincia, cunha maior inclusión e accesibilidade universal.

Estas iniciativas pasarán proximamente polo comité executivo do Pacto Social para a súa aprobación e planificación. Así como continuaranse realizando mesas de traballo periódicas, onde se presentarán máis accións concretas que contribúan coa recuperación económica, social e medioambiental da provincia de Ourense. Antes de que remate o ano, terá lugar outra mesa de traballo onde se presentarán iniciativas sobre o eixo de reconstrución verde.

Relacionadas

O “Obradoiros Ágora” realiza unha chamada á “insubmisión” da normativa que regula o tráfico...

0
Persoal técnico e político de varios concellos da provincia participou hoxe en Tomiño nunha nova sesión práctica da ‘Facultade Ágora’ Debateuse sobre a idoneidade de...

0
Manuel Baltar recoñece o traballo de Verino na inauguración da exposición retrospectiva do deseñador: “É un momento para crer na palabra ‘orgullo’ e neste...

A Deputación avanza no proxecto do hotel balneario de Ourense, co Pazo de Xustiza...

0
A sala de xuntas do Pazo Provincial acolleu esta mañá unha nova reunión de traballo na que tamén se acordou iniciar os trámites para...

A Policía Local de Ourense colaborará coa nova campaña de control de velocidade da...

0
Os controis centraranse nos puntos máis perigosos, onde se concentre un maior número de accidentes ou de incumprimento de normas, ademais de novos lugares...

A 38ª edición de “Taichi na rúa” comeza o luns 4 de xullo no...

0
“Levamos apoiando desde sempre esta iniciativa, que forma parte da cultura oriental milenaria que harmoniza corpo e mente e está aberta a todas as...

A Deputación destina medio millón de euros entre 51 clubs de deporte náutico da...

0
Os fondos provinciais chegan a clubs de piragüismo, remo e vela con criterios que valoraron de forma especial as licencias femininas e as de...

Publicacións Relacionadas