Home Pontevedra Caldas O Pleno da Deputación aproba o proxecto de mellora da mobilidade peonil...

O Pleno da Deputación aproba o proxecto de mellora da mobilidade peonil na travesía Dona Urraca de Caldas

- Anuncio -

A Deputación investirá 445.000 € nesta infraestrutura de 155 metros na que se atopan o cemiterio e a igrexa de Santa María, a Escola de Música e o futuro centro de saúde

O Pleno da Deputación de Pontevedra vén de dar luz verde por unanimidade á aprobación inicial do proxecto construtivo das obras que permitirán recuperar os espazos públicos e mellorar a mobilidade peonil na estrada provincial que transcorre pola Travesía Dona Urraca do concello de Caldas de Reis. O proxecto, que será financiado a través dun convenio xa aprobado, está dotado de 445.000 euros dos que a Deputación achega o 70% do orzamento (311.000 €) e o Concello o 30% restante (133.000 € que financiará con cargo ao Plan Concellos).

Na actualidade a vía, de carácter urbano e de soamente 155 metros de lonxitude, non cumpre as obrigas do estándar de calidade que a Deputación de Pontevedra busca na totalidade das súas infraestruturas viarias. As obras buscan poñer as persoas no centro, tendo moito en conta a localización desta rúa no trazado do Camiño de Santiago, polo tanto unha alta afluencia peonil. As obras repercutirán nunha mellora da seguridade de todos os tráficos, da accesibilidade á vía e tamén da súa estética. Na Travesía Dona Urraca atópanse ademais centros como a Escola de Música de Caldas, un flamante equipamento que foi tamén posible grazas ás achegas aprobadas pola Deputación a través do Plan de Reequilibrio, e o futuro centro médico.

As obras na EP-8005 permitirán garantir a seguridade do tránsito peonil ao crear unha zona de convivencia sobreelevada a 10 centímetros, con prioridade para as persoas, novos pavimentos e mobiliario urbano. A finalidade é dignificar a zona, que se atopa nunha contorna ateigada de elementos patrimoniais de alto nivel como son a igrexa de Santa María e o cemiterio parroquial. Delimitaranse claramente a circulación de cada tipo de tráfico ao crear itinerarios peonís, seguros para os colectivos vulnerables, e cun deseño comprensible, utilizable, practicable e con total seguridade e comodidade.

Tamén se realizarán variacións na rede de recollida de augas pluviais para adaptala ao novo deseño da rúa, melloraranse os servizos urbanos e acometerase unha nova rede de alumeado público con luminarias LED de alto rendemento. Ao remate das obras a estrada será transferida ao concello.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Publicacións Relacionadas