O 28 de xaneiro ás 00:00 horas abría o prazo de presentación de solicitudes do Programa de Termalismo Social provincial e, transcorridas 36 horas, as prazas solicitadas superaban o milleiro, a cifra máis alta desde o comezo do Programa en 2013, superando as cifras preCovid.
Más do 60% de prazas asignadas corresponden a persoas residentes fora de Galicia, pois presentáronse solicitudes desde Galicia, Asturias, País Vasco, Cataluña, Illas Baleares, Andalucía, Madrid, Castela-León e Murcia.
Dada a afluencia de persoas que acudiron á Área de Benestar da Deputación de Ourense, habilitáronse seis postos para atender presencialmente a todas as persoas que quixeron tramitar a solicitude en persoa. Ademais, decidiuse ampliar de catro a seis as liñas telefónicas habilitadas para informar do Programa que a partir de hoxe serán 988317760, 988317762, 988317766, 988317767, 98831770 e 98831772.
