O vicepresidente da Deputación, Rafa Domínguez, no pregón da Semana Santa de Pontevedra

O vicepresidente da Deputación de Pontevedra, Rafa Domínguez, asistiu esta tarde á lectura do pregón da Semana Santa de Pontevedra a cargo da directora xerente da Fundación Pública Galega da Formación para o Traballo da Xunta de Galicia, Rosanna López Salgueiro. Con este acto, no que ademais do pregón de López Salgueiro rendéuselle homenaxe a Celestino Peón, que durante 40 anos presidiu a Xunta coordinadora da Semana Santa de Pontevedra e que tivo que deixar por motivos de saúde, ábrense os oficios relixiosos previos ás tradicionais procesións con motivo destas datas.