Home Terra de Celanova A Bola O xeodestino “Terras de Celanova-Serra do Xurés” estrea o seu vídeo promocional...

O xeodestino “Terras de Celanova-Serra do Xurés” estrea o seu vídeo promocional en Fitur

- Anuncio -

O presidente do Inorde presentou hoxe, xunto ao delegado territorial da Xunta en Ourense e á xerente do Inorde, os atributos dos municipios que integran esta zona ourensá na 43.ª Feira Internacional de Turismo en Madrid

Rosendo Fernández afirmou que “ten recursos sobradamente recoñecidos, para que sexa o destino que escollan os turistas que busquen un lugar onde desconectar a través de plans deseñados para todos os públicos que permiten gozar da natureza en estado puro”

O presidente do Inorde e vicepresidente da Deputación de Ourense, Rosendo Fernández, presentou hoxe xunto ao delegado territorial da Xunta en Ourense, Gabriel Alén, e a xerente do Inorde, Emma González, o xeodestino “Terras de Celanova-Serra do Xurés, inmersión natural” na 43.ª Feira Internacional de Turismo que se está celebrando estes días en Ifema, Madrid. No acto, estreouse o vídeo promocional deste xeodestino para que, a partir deste intre, “sírvanos como ferramenta de comunicación en diferentes medios e plataformas”, dixo Rosendo Fernández.

Os atributos deste xeodestino, xestionado polo Inorde, foron postos en valor na feira internacional de referencia para o sector turístico, por cuarto ano consecutivo. Nesta ocasión, foi a través do vídeo que recolle imaxes icónicas dos catorce municipios que integran este destino que conta con “recursos sobradamente recoñecidos, para que sexa o destino que escollan os turistas que busquen un lugar onde desconectar a través de plans deseñados para todos os públicos que permiten gozar da natureza en estado puro”, destacou o presidente do Inorde.

Rosendo Fernández afirmou que este xeodestino “representa á perfección, precisamente, a nosa marca turística “OU”. Pois, neles, atoparán valiosos exemplos deses catro recursos cabeceira que definen ao noso territorio: patrimonio, natureza, termalismo e enogastronomía”. Os recursos “son infinitos e cada día súmanse novas prazas de aloxamento, de feito, hai unha semana presentábase unha nova casa de Turismo rural e tamén o sector privado está a apostar por novos hoteis de alto nivel en Celanova”, engadiu Rosendo Fernández.

Neste sentido, o presidente do Inorde dixo que o reto que se debe afrontar actualmente no sector turístico provincial é o de “continuar dando pasos para atraer a máis visitantes ao noso territorio a través dun turismo sostible respectuoso co medio natural e que hoxe está a tan só 2 horas e 30 minutos de Madrid. Para iso, é necesario desenvolver iniciativas de mobilidade como a que presentamos o pasado mes de decembro de “carsharingturístico” que permite aos visitantes que cheguen a Ourense a través do tren, ter nas inmediacións das estacións da Gudiña e da cidade, un vehículo para moverse pola provincia, reservándoo a través dunha aplicación, por horas, días ou semanas”.

Rosendo Fernández terminou a súa intervención convidando os asistentes a “vir a Ourense para gozar dunha experiencia auténtica e única no xeodestino Celanova- Xurés, onde o noso medio natural e contorna patrimonial permítenos presumir con humildade de ser parte dunha provincia galega xenuína”.

Os municipios que integran este xeodestino son os seguintes: Cartelle, A Merca, Gomesende, Ramirás, Padrenda, Quintela de Leirado, Celanova, Verea, Bande, Lobeira, Entrimo, Lobios, Muíños e A Bola”.

Actividades do xeodestino no 2022

A xerente do Inorde fixo un breve repaso polas actividades levadas a cabo polo xeodestino o ano pasado, co apoio de Turismo de Galicia, entre as que cabe destacar a incorporación da hostalería da zona -cun espazo propio- na guía gastronómica e de restaurantes da provincia de Ourense (https://www.restaurantesourense.com/). Esta ferramenta proporciona información moi útil e detallada aos turistas do xeodestino axudándolles a planificar a súa visita.

Emma González lembrou que esta é “unha das iniciativas desenvolvidas polo xeodestino ao longo do 2022. Nese plan de acción atópanse tamén actividades de promoción para lograr unha maior notoriedade do destino en mercados de proximidade de Galicia e do norte de Portugal e actuacións con prescritores do sector a través das cales xurdiron outras como promocionar a zona no programa “Saber Vivir”. Así mesmo, desenvolveuse unha estratexia de comunicación dixital específica e participamos en Feiras como “Xantar”. Todo iso, permitiunos impulsar o destino en diferentes lugares e escenarios para captar máis visitantes”.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

A nova liña 6 de autobuses urbanos entrará en servizo o vindeiro luns, con...

0
Cruzará a cidade de Norte a Sur e unirá puntos clave como a estación intermodal, O Couto Norte, centro cidade, residencia e Barrocás O Pavillón...

Luis López anuncia un investimento de 1,5 millóns de euros en tres anos no...

0
O presidente provincial, acompañado pola deputada de Turismo, Nava Castro, detallou o contido dun plan que contempla a renaturalización da contorna, o deseño de...

A Deputación aproba máis de 100.000 euros para realizar melloras nas infraestruturas deportivas da...

0
O Plan Extraordinario de Infraestruturas Deportivas xa mobilizou máis de 930.000 euros entre os concellos da provincia A Deputación de Pontevedra acaba de aprobar axudas...

Publicacións Relacionadas